Josuạ 11:3 - সান্তালী বাইবেল

³ Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 11:3 Iomraidhean Croise

Genesis 31:49

Ona chaḍa noa reakʼ ńutum do Mispa hõko dohokeda (metakʼme “Horho jaega”), ente Labane metade tahẽkana, “Tinre balaṅ ńelokʼa unre Probhu Isorakʼ mẽtʼge alaṅ cetanre tahenma.

2 Samuel 24:16

Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

2 Samuel 24:7

Ona tayom onko do Tur reakʼ gaṛ nagraha ar Hiwiko ar Kananikoakʼ goṭa nagrahako calaoena. Ar sesre onko do Jihudạ reakʼ dạkhin secʼ Ber-sebateko calaoena.

1 Rapajko 15:22

Ona tayom Asa raj do Jihudạren sanamko cetanre hukume emkeda, ar okoe hõ bae badletʼkoa. Onate hoṛko do Ramare Basae beohar akatʼ dhiri ar sanam kaṭko idikeda. Ar Asa raj do onakote Benjạmin reakʼ Geba ar Mispa gaṛ lekae benaokeda.

1 Rapajko 9:20

Ar okoe do Israelko baṅkan, metakʼme Amoriko, Hittiko, Peresiko, Jebusikoren bõsko onko do unhõ jiwetʼko tahẽkana, Israelko do onko bako marao giḍi daṛeatʼko tahẽkana, menkhan Solomon do onkoge golam lekate kạmi lạgitʼe sapʼ paṭetʼletʼkoa, ar teheń hạbicʼ hõ onko do ona kạmigeko kạmikana.

Sereńko 133:3

Ona do Hermon buru reakʼ sisir dakʼ leka one oka do ạtu pheḍokʼkan Sion burure; ente Probhu Isor do onḍegeye ạsirbad akawada, ar ona ạsirbad do jaejug jionge.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Soros sereń 4:8

E bạhutiń, dela iń sãote Lebanon khon hijukʼme, Lebanon khon iń tulucʼge dela hijukʼme. Amana reakʼ cuṛạ khon, Senir ar Hermon buru reakʼ muthni khon, dhạcri kulkoakʼ dander khon, poṭea tạrupʼkoakʼ buru khon dela pheḍ hijukʼme.

Jirimiạ 40:10

Iń apnarge Mispareń tahena ar Babelren okoeko abo ṭhenko hijukʼ onko ṭhen ape huyạte kathań roṛa; menkhan ape do darkha rasa, niron din reakʼ pholḍol ar sunumko samṭao jarwaepe ar apeakʼ bhajankore bae dohoepe ar okako ato ar nagrahakope dokhol akatʼ onḍege girobasokʼpe.”

Jirimiạ 40:6

Unre Jirimiạ do Mispate Ahikamren hopon Gedaliạ ṭhen senkate disạmren sarecʼ hoṛko talareye tahẽyena.

Jirimiạ 41:3

Ona chaḍa Mispare Gedaliạ sãote okoe Jihudiko tahẽkan ar Babelren okoe sipạhiko onḍeko tahẽkan Ismael do onko hõe gocʼketʼkoa.

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Dosar Biboron 4:48

Arnon otet aṛe reakʼ Aroer nagraha khon Sion buru, metakʼme Hormon buru hạbicʼ noakin rajosṭige tahẽkana.

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Josuạ 11:17

Seyir buru rakapʼ calakʼ reakʼ Halak buru khon Hermon buru latar Lebanon lodamre menakʼ Bakʼal-gad hạbicʼ sanam ṭoṭhage Josuạ doe hatkeda. Uni do onako jaegaren rajko sapʼkateye gocʼketʼkoa.

Josuạ 11:8

Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Josuạ 13:11

Gilead elaka, Gesuriko ar Makathikoakʼ elaka, goṭa Hermon buru ar Salka hạbicʼ goṭa Bason disạm hõ onare menakʼa.

Josuạ 13:5

Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.

Josuạ 15:63

Jihudạ gusṭi do menkhan Jebusiko bako laga ńir daṛeatʼkoa. Jebusiko do Jerusalemren hoṛko tahẽkana. Jihudạ gusṭiren hoṛko sãote Jibusiko do teheń hạbicʼ onḍeko girobasokʼkana.

Josuạ 18:26

Mispa, Kephira, Mosa, Rekem, Irpeyel, Tarala, Sela, Ha-Eleph, Jebusikoakʼ nagraha Jerusalem, Gibea ar Kiriotko ńamleda. Onko do jotote gel pon goṭecʼ nagraha ar ona aḍepase reakʼ joto atokoko ńamkeda.

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

Bikʼcạrko 21:5

Mispare onko do mitʼṭecʼ kajakko kiriạyena, ona do noage je, Mispare Probhu Isor samaṅre jãhãege bae hạjirokʼ enḍekhan uni do khạṭigeye gocʼ ocokʼa. Ar onate onko do apan ạpin kupulikʼko ehopʼena, “Israelren sanam gusṭiko khon okoe Mispate Probhu Isor samaṅre bako hecʼakana?”

Bikʼcạrko 21:8

Onko do mitʼ hoṛ armitʼ hoṛko kuliyana, “Israel gusṭiko modre cetʼ nonkan jãhãe hoṛ menaea, okoe do Mispare Probhu Isor samaṅre bae hạjir akan?” Unreko baḍaekeda, Jabes Gilead khon do celege onḍe bako senakana,

Bikʼcạrko 3:3

Onko jạtrenko doko hoyokʼ kana, Philisṭiko ar onkoren mõṛẽ goṭen raj, Kananrenko ar Sidonrenko ar Hiwiko. Bakʼal-hermon buru khon ehopʼkate Homat hạbicʼ Lebanon reakʼ oka buru ṭoṭhako menakʼ onakorege Hiwiko doko tahenkan tahẽkana.

Bikʼcạrko 3:5

Ona iạte Israelko do Kananiko, Hittiko, Amoriko, Pherisiko, Hiwiko ar Jebusiko talare girobasokʼko ehopʼena.

1 Samuel 10:17

Tayomte Samuel do Mispare Probhu Isor samaṅre Israelkoe hoho jarwaketʼkoa.