Josuạ 11:2 - সান্তালী বাইবেল

² Ona chaḍa uni do utạr secʼren okoe rajko tahẽkana onko sanamko ṭhen hõ sombate kolkeda. Onako rajosṭi do buru disạmre, Kinerot dạkhin Araba reakʼ bilạn ṭạnḍire, latar buru ṭoṭhare ar pạchim reakʼ Dorer buru ṭoṭhare tahẽkana.

Josuạ 11:2 Iomraidhean Croise

1 Rapajko 15:20

Asa rajakʼ kathate Benhadad doe rạjiyena ar Israelkoakʼ ato ar nagrahako upạrte acʼren subedarkoe kolketʼkoa. Uni do Ison, Dan, Abel-Betmaka ar goṭa Kinerot ar ona sãoteakʼ Napthali ṭoṭhae hatkeda.

1 Rapajko 4:11

Naphat-Dorrer reakʼ sanam ṭoṭhare do Bin-Abinadab. Uni do Solomonren hoponera Taphate baplaledea.

Numeri 34:11

Noa simạna dag do Sepham khon Enan secʼte Ribla hạbicʼ pheḍ hijukʼa ar Kenerot doreão reakʼ jaegako secʼte calao idikʼa.

Luk 1:39

Inạko din tayom Mạriạm do usạrage Jihudạ Prodes reakʼ mitʼṭen atoteye calaoena. Ona ato do buru ṭoṭhare tahẽkana.

Luk 5:1

Mitʼ din Jisu do Genesaret doreão aṛereye teṅgo akan tahẽkana. Unre gadel hoṛ do Isorakʼ katha ańjom lạgitʼ beṛhaete hecʼkateko riḍạtʼ ciritʼedekan tahẽkana.

Josuạ 10:40

Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.

Josuạ 10:6

Unre Gibeonrenko do Gilgal reakʼ ḍerate senkate Josuạ ṭhen sombatko kolkeda, “Amren golamko do alom bạgi giḍilea. Ma usạra hecʼkate goṛowaleme, ente Amorikoren rajko do buru ṭoṭha khon hecʼkate ale upạrte akoren lạṛhại phạdkoko jarwa akatʼkoa.”

Josuạ 11:16

Nonkate Josuạ do goṭa disạmgeye hatkeda. Onako modre usul buru ṭoṭhako, goṭa Negeb, Gosen ṭoṭha, latar buruko ṭoṭha, Araba buru nala ar Israel utạr reakʼ usul buru ṭoṭha ar latar bilạn ṭạnḍiko tahẽkana.

Josuạ 11:21

Inạ tayom Josuạ do buru ṭoṭhate senkate Anakiko hõe gocʼketʼkoa. Niạ ṭoṭha modre do Hebron, Debir, Anab nagraha, Jihudạ ar Israel reakʼ sanam buru jaegako tahẽkana. Uni do Anakiko ar onkoakʼ nagrahako ar atokoe marao cabaketʼtakoa.

Josuạ 12:3

Ona chaḍa Kinerot doreão khon Araba doreão, metakʼme buluṅ doreão ar Bet-jesimot reakʼ hor hạbicʼ ar dạkhin secʼ Pisga buru latar hạbicʼ ar Araba bilạn ṭạnḍi purub reakʼ hĩs hõ raje calaoetʼ tahẽkana.

Josuạ 13:27

ar lodam tala reakʼ Bet-Haram, Bet-Mimra, Sukot, Saphon ar Hesbonren raj Sihonakʼ rajosṭi reakʼ sarecʼ hĩsko ar Kineret doreão reakʼ dạkhin hạbicʼ jordan gaḍa purub aṛe secʼte goṭa elaka tahẽkana.

Josuạ 17:11

Isakar ar Asren gusṭikoakʼ simạna tala reakʼ Betʼ-Sean, Iblean ar onako aḍepase reakʼ sanam atoko do Manase gusṭirenkoko emoco akan tahẽkana. Ona chaḍa Dorren, En-Dorren, Tanak ar Magidoren hoṛko sudhạ niạko nagraha ar onako aḍeparen sanam atoko Manase gusṭirenko emocoakan tahẽkana. Ar mucạtʼ secʼ reakʼ pea nagraha ar onako sãoteakʼ atoko do buru ṭoṭhare tahẽkana.

Bikʼcạrko 1:27

Manase gusṭiren hoṛko do Bet-Sean, Tanak, Dor, Ibleam ar Megido nagraha ar onako beṛhaeteakʼ atokoren hoṛko bako laga ńir daṛeatʼkoa, ente onako jaegaren Kananiko doko goṭa akatʼ tahẽkana, disạm do bako bạgiyakʼa mente.