Josuạ 11:17 - সান্তালী বাইবেল

¹⁷ Seyir buru rakapʼ calakʼ reakʼ Halak buru khon Hermon buru latar Lebanon lodamre menakʼ Bakʼal-gad hạbicʼ sanam ṭoṭhage Josuạ doe hatkeda. Uni do onako jaegaren rajko sapʼkateye gocʼketʼkoa.

Josuạ 11:17 Iomraidhean Croise

Genesis 32:3

Jakob do acʼ lahate Seyirte, metakʼme Edom disạmte acʼren boeha Esau ṭhen thoṛa hoṛe kolketʼkoa.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Dosar Biboron 2:1

“Probhu Isor cetʼ lekae hukumạdiń tahẽkan onkage abo do ona tayom ruạṛkate Akaba doreão reakʼ horte hahaṅkar secʼ bon mohnḍa idiyena. Ar Seyir buru ṭoṭha secʼte ạcur ạcurte ḍher din do paromena.

Dosar Biboron 3:9

Hermon do Sidonren hoṛko Sirion ar Amoriko do Senirko metakʼkana.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Dosar Biboron 7:24

Onkoren raj do apeakʼ tireye jimạyea ar ape do onkoakʼ ńutum dhạrti khonpe meṭao utạrtakoa. Cele hõ bako teṅgo daram daṛeapea; ape dope marao cabakoa.

Josuạ 1:4

Apeakʼ disạm do hahaṅkar khon Lebanon hạbicʼ ar purub reakʼ maraṅ gaḍa Uphreṭis hạbicʼ ar pạchim reakʼ maraṅ jalapuri hạbicʼ metakʼme Hittikoakʼ goṭa ṭoṭha.

Josuạ 11:18

Josuạ do ḍher din hạbicʼ noko rajko sãoteye lạṛhạiyena.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 13:5

Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.