Josuạ 11:16 - সান্তালী বাইবেল

¹⁶ Nonkate Josuạ do goṭa disạmgeye hatkeda. Onako modre usul buru ṭoṭhako, goṭa Negeb, Gosen ṭoṭha, latar buruko ṭoṭha, Araba buru nala ar Israel utạr reakʼ usul buru ṭoṭha ar latar bilạn ṭạnḍiko tahẽkana.

Josuạ 11:16 Iomraidhean Croise

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Jeheskel 17:23

Israel reakʼ usul buru cetanre ona khon ḍạrko oḍokokʼa ar jo bahakʼa; ar ona do mitʼṭecʼ napae okocʼ debdạru dare hoyokʼa. Joto lekan cẽṛẽko do ona reakʼ ḍạrre tukạko benaoa ar ona reakʼ umulreko tahena.

Jeheskel 36:8

“ ‘Menkhan E Israel reakʼ buruko, ape do apeakʼ dare reakʼ ḍạrkope kahle oḍok ocoyte ińren hoṛ Israelko lạgitʼ ḍher jope jokʼa, ente onko do usạratege oṛakʼteko ruạṛ hijukʼa.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Josuạ 10:40

Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.

Josuạ 10:41

Josuạ do Kades-Barnea khon Gasa hạbicʼ ar goṭa Gosen reakʼ Gibeon hạbicʼ sanam hoṛkoe bhagaoketʼkoa.

Josuạ 11:15

Probhu Isor do acʼren guti Mose okako hukume emade tahẽkan onage uni do Josuại baḍae ocoledea, ar Josuạ do onako hukume manaoleda. Probhu Isor do Mose okakoe hukumade tahẽkan Josuạ do ona reakʼ mitʼṭecʼ hõ bae bemanotleda.

Josuạ 11:2

Ona chaḍa uni do utạr secʼren okoe rajko tahẽkana onko sanamko ṭhen hõ sombate kolkeda. Onako rajosṭi do buru disạmre, Kinerot dạkhin Araba reakʼ bilạn ṭạnḍire, latar buru ṭoṭhare ar pạchim reakʼ Dorer buru ṭoṭhare tahẽkana.

Josuạ 11:21

Inạ tayom Josuạ do buru ṭoṭhate senkate Anakiko hõe gocʼketʼkoa. Niạ ṭoṭha modre do Hebron, Debir, Anab nagraha, Jihudạ ar Israel reakʼ sanam buru jaegako tahẽkana. Uni do Anakiko ar onkoakʼ nagrahako ar atokoe marao cabaketʼtakoa.

Josuạ 12:8

Niạko jaega do hoyokʼ kana usul buru ṭoṭha, latar buru ṭoṭhako, Araba, buru dhasnako, purub secʼ reakʼ buluṅ doreão elaka ar Negeb. Niạko do Hittiko, Amoriko, Kananiko, Pherisiko, Hiwiko ar Jebusikoakʼ elaka tahẽkana.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.