Josuạ 11:15 - সান্তালী বাইবেল

¹⁵ Probhu Isor do acʼren guti Mose okako hukume emade tahẽkan onage uni do Josuại baḍae ocoledea, ar Josuạ do onako hukume manaoleda. Probhu Isor do Mose okakoe hukumade tahẽkan Josuạ do ona reakʼ mitʼṭecʼ hõ bae bemanotleda.

Josuạ 11:15 Iomraidhean Croise

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

Numeri 33:50

Jerikho samaṅ secʼ jordan gaḍa aṛe reakʼ Moab otetre Probhu Isor do Mose Israelko noa katha lạiyakoe metade tahẽkana, “Ape do jordan gaḍa paromkate Kanan disạmte senkate apeakʼ hor khon disạmren sanam hoṛpe laga oḍokkoa. Onkoren dhiriren boṅga ar dul bekʼnao boṅgako reakʼ joto muṭhạnko ar buru coṭ reakʼ joto pinḍkope rạputʼ giḍikatakoa.

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Luk 11:42

“Hae ape Phạrusiko do! Ape do eken podina, tejpat ar mitʼke mitʼ aṛakʼ sakam reakʼ gel hạṭiń reakʼ mitʼ hạṭińge Isorpe emae kana, menkhan dhorom bicạr ar Isorakʼ dulạṛ secʼ do bape moneyakʼkana. Onate sedaeakʼko pańjae são sãote tayom reakʼakʼko hõ pańjae lek tapea.

Aposkạmi 20:20

Apeakʼ okaṭakʼte porhoanakʼ hoyokʼ nonkan jãhãnakʼge ape baḍae ocope lạgitʼ do bạń pạclena, bickom bahrere sodorte apeakʼ oṛakʼreń cetʼakawatʼpea ariń porcar akada.

Aposkạmi 20:27

ente Isor okae khojkan ona baḍae ocope do tishõ bạń pạc akana.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Dosar Biboron 31:3

Aperen Probhu Isor do acʼge gaḍae parom idipea are ạyurpea. Ar ape samaṅ khon onko jạtrenkoe marao cabakoa ar ona disạmpe dokhol joṅa. Probhu Isorakʼ katha lekage Josuạ do gaḍa paromkate ape laha lahateye calakʼa.

Dosar Biboron 31:5

Onko do apeakʼ tireye jimạkoa ar oka cekae reakʼ iń hukumatʼpe onape onkaea.

Dosar Biboron 31:7

Inạ tayom Mose do Josuại hohoadea ar sanam Israelko samaṅre uniye metadea, “Daṛean hoyokʼme ar monre dil joṅme ente amge noko hoṛko sãote ona disạmte calakʼ hoyokʼtama one okaṭakʼ Probhu Isor do nokoren hapṛamko ṭhen emokʼ lạgitʼe gokʼletʼ. Ar amge ona disạm do sompotti lekatem hạṭińakoa.

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Josuạ 11:12

Josuạ do onko rajkoakʼ nagrahakoe hatketʼte onḍenko rajkoe bondiketʼkoa. Probhu Isorren guti Moseyakʼ hukum lekage uni do onko sanamkoe marao cabaketʼkoa.

Josuạ 11:14

Niạko nagraha khon okako jinis ar ạsul janwarko luṭlen ona do Israelko apnar lạgitʼko idiwana; menkhan sanam hoṛko doko marao cabaketʼkoa, mitʼṭen jiwiyanko hõ jiwetʼ do bako doholetʼkoa.

Josuạ 11:16

Nonkate Josuạ do goṭa disạmgeye hatkeda. Onako modre usul buru ṭoṭhako, goṭa Negeb, Gosen ṭoṭha, latar buruko ṭoṭha, Araba buru nala ar Israel utạr reakʼ usul buru ṭoṭha ar latar bilạn ṭạnḍiko tahẽkana.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.