Josuạ 11:14 - সান্তালী বাইবেল

¹⁴ Niạko nagraha khon okako jinis ar ạsul janwarko luṭlen ona do Israelko apnar lạgitʼko idiwana; menkhan sanam hoṛko doko marao cabaketʼkoa, mitʼṭen jiwiyanko hõ jiwetʼ do bako doholetʼkoa.

Josuạ 11:14 Iomraidhean Croise

2 Bõsbudạ 20:25

Unre Jehosaphat ar uniren hoṛko do luṭ reakʼ jinisko ạguy lạgitʼko senen khan onako mạ̃ṛĩ sãote nunạkʼ jinisko, kicricʼko ar dhon duribko ńamkeda, onko do bako idi caba daṛeada. Luṭ reakʼ jinisko nunạkʼ tahẽkana ona luluṭ cabaete pe din lagaoatʼkoa.

Numeri 31:9

Onko do Midiạnren maejiuko ar gidrạkoko bondiketʼkoa ar onkoren sanam ḍaṅgrako, meromko, bhiḍiko ar onkoakʼ jiniskoko luṭketʼtakoa.

Dosar Biboron 20:14

Menkhan maejiuko, gidrạko, janwarko ar ona nagraha reakʼ eṭakʼakʼ jinisko do luṭakʼ jinis lekate ape lạgitʼpe ạgu daṛeakʼa. Bạirikoakʼ disạm khon luṭ ạguwakʼ okako jinis aperen Probhu Isor apeye emape ona dope hạṭiń daṛeakʼa.

Dosar Biboron 20:16

Menkhan aperen Probhu Isor do okoe jạtrenkoakʼ ato ar nagrahako somppoti lekateye emape lạgidokʼkan onḍe okoe hõ jiwetʼ do alope dohokoa.

Josuạ 10:40

Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.

Josuạ 11:11

Israelko do Hasorren sanamkoko maraoketʼkoa, mitʼṭen jiwiyanko hõ jiwetʼ do bako doholetʼkoa. Ar inạ tayom Josuạ do nagrahae jeretʼ giḍikada.

Josuạ 11:13

Menkhan ḍuṅgriko cetanre okako nagraha tahẽkan Israelko do onako reakʼ okaṭakʼge bako jeretʼleda, menkhan Josuạ do eken Hasor nagrahae jeretʼ giḍikada.

Josuạ 11:15

Probhu Isor do acʼren guti Mose okako hukume emade tahẽkan onage uni do Josuại baḍae ocoledea, ar Josuạ do onako hukume manaoleda. Probhu Isor do Mose okakoe hukumade tahẽkan Josuạ do ona reakʼ mitʼṭecʼ hõ bae bemanotleda.

Josuạ 8:2

Jerikho nagraha ar onaren raj cetanre okam cekaletʼ Ae nagraha ar onaren raj cetanre hõ onkagem cekaea. Menkhan onḍenakʼ luṭ ạguakʼ jinisko ar janwarko ape apnar lạgitʼpe hatao daṛeakoa. Ar am do nagraha tayom secʼre mitʼ dol lạṛhại phạdkom oko dohokoa.”

Josuạ 8:27

Probhu Isor cetʼ leka Josuại hukumade tahẽkan onkage Israelko do ona nagraharen janwarko ar luṭakʼ jinisko ako lạgitʼko ạgu darawana.