Josuạ 10:37 - সান্তালী বাইবেল

³⁷ Onko do nagrahako hatketʼte onḍenko hoṛko, onkoren raj, ar ona aḍepase atokoren sanam hoṛko ar Hebronren sanam jiwiyankoko marao cabaketʼkoa. Ar Eglonre cetʼlekae cekaletʼ onkage Josuạ do Hebron ar onaren sanam hoṛkoe marao cabaketʼkoa.

Josuạ 10:37 Iomraidhean Croise

Exodus 17:13

Onate Josuạ do Amlekiko lạṛhạiteye bhagaoketʼkoa.

Josuạ 10:28

Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Josuạ 10:35

Ar enhilokʼge onko do Eglonko hatkeda ar onḍenko hoṛko gocʼketʼkoa. Lakhisre cetʼlekae cekaletʼ onkage Josuạ do Eglonren sanam jiwiyankoe caba utạrketʼkoa.

Josuạ 10:36

Inạ tayom Josuạ do sanam Israelkoante Eglon khon Hebronte senkate ona nagrahae akromonkeda.

Josuạ 10:38

Ona tayom Josuạ do sanam Israelkoanteye ạcur senente Debir nagrahae akromonkeda.

Josuạ 10:39

Onko do ona nagraha, ar onaren raj ar ona reakʼ atokoko hatketʼte sanam hoṛko gocʼ cabaketʼkoa. Onko do onḍenko sanam jiwiyankoko marao utạrketʼkoa. Josuạ do celege jiwetʼ bae doholetʼkoa; uni do Libna ar onaren raj ar Hebron reakʼ oka dosae hoyocoletʼtae Debir ar onaren rajakʼ dosa hõ onkageye hoyocokeda.

Josuạ 10:40

Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.

Josuạ 11:12

Josuạ do onko rajkoakʼ nagrahakoe hatketʼte onḍenko rajkoe bondiketʼkoa. Probhu Isorren guti Moseyakʼ hukum lekage uni do onko sanamkoe marao cabaketʼkoa.