Josuạ 10:28 - সান্তালী বাইবেল

²⁸ Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Josuạ 10:28 Iomraidhean Croise

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

1 Korinthiko 15:25

Isor do tin hạbicʼ Mạsiren sanam bạiriko uniyakʼ jaṅga latarre bae dohoko un hạbicʼ Mạsi doe rajokʼa.

Dosar Biboron 2:34

Ona jokhecʼ abo do uniyakʼ sanam atoko ar nagrahako bon dokholketʼte onkoren herel hoponko, maejiuko ar gidrạko bon marao cabaketʼkoa; onkoren celege jiwetʼ do babon doholetʼkoa.

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Josuạ 10:30

Probhu Isor do ona nagraha ar onḍenko rajko Israelkoakʼ tireye jimạketʼkoa. Ar Josuạ do ona nagraharen hoṛko ar sanam jiwiyankoe gocʼ cabaketʼkoa, celege jiwetʼ bae doholetʼkoa.

Josuạ 10:32

Probhu Isor do Lakhis hõ Israelkoakʼ tireye jimạkeda. Ar Josuạ do dosar hilokʼ onae hatkeda. Uni do Libna nagrahae cekaletʼ onkage Lakhisren hoṛko ar onaren sanam jiwiyankoe gocʼ cabaketʼkoa.

Josuạ 10:35

Ar enhilokʼge onko do Eglonko hatkeda ar onḍenko hoṛko gocʼketʼkoa. Lakhisre cetʼlekae cekaletʼ onkage Josuạ do Eglonren sanam jiwiyankoe caba utạrketʼkoa.

Josuạ 10:37

Onko do nagrahako hatketʼte onḍenko hoṛko, onkoren raj, ar ona aḍepase atokoren sanam hoṛko ar Hebronren sanam jiwiyankoko marao cabaketʼkoa. Ar Eglonre cetʼlekae cekaletʼ onkage Josuạ do Hebron ar onaren sanam hoṛkoe marao cabaketʼkoa.

Josuạ 10:39

Onko do ona nagraha, ar onaren raj ar ona reakʼ atokoko hatketʼte sanam hoṛko gocʼ cabaketʼkoa. Onko do onḍenko sanam jiwiyankoko marao utạrketʼkoa. Josuạ do celege jiwetʼ bae doholetʼkoa; uni do Libna ar onaren raj ar Hebron reakʼ oka dosae hoyocoletʼtae Debir ar onaren rajakʼ dosa hõ onkageye hoyocokeda.

Josuạ 12:15

Libnaren raj, Adulamren raj, Makedaren raj, Bethelren raj, Tapuaren raj, Hepherren raj,

Josuạ 15:41

Goderot, Bet-Dagon, Nama ar Makeda. Niạ gel turui goṭecʼ nagraha ar ona aḍepase reakʼ atokoko ńamleda.

Josuạ 6:21

Onko do khanḍa banḍawante herel ar maejiuko, gidrạ ar haṛam buḍhiko, ḍaṅgrako, bhiḍiko, gadhako ar eṭakʼ sanam jiwiyankoko marao cabaketʼkoa.

Josuạ 8:2

Jerikho nagraha ar onaren raj cetanre okam cekaletʼ Ae nagraha ar onaren raj cetanre hõ onkagem cekaea. Menkhan onḍenakʼ luṭ ạguakʼ jinisko ar janwarko ape apnar lạgitʼpe hatao daṛeakoa. Ar am do nagraha tayom secʼre mitʼ dol lạṛhại phạdkom oko dohokoa.”

Josuạ 9:3

Jerikho ar Ae nagraha reakʼ Josuạ okae cekaletʼ ona reakʼ katha tinre Gibeon nagraharen Hiwikoko ańjomkeda unre onko do mitʼṭecʼ calakiko kạmikeda. Onkoren thoṛa hoṛ do Josuạ ṭhenko mohnḍayena. Onko do akoren gadha cetanre mare mare bosta ar oṛecʼ ar tạli akatʼ darkha rasa dohowakʼ harta reakʼ mare kumkoko ididarakeda.