Josuạ 10:20 - সান্তালী বাইবেল

²⁰ Nonkate Josuạ ar Israelko do Amoriạkoko ńẽtʼ cabaketʼkoa. Onate joto lekako gocʼena; menkhan tinạkʼ sarecʼko tahẽkan onko do akoakʼ pạcrite esetʼ nagrahareko aderketʼkoa.

Josuạ 10:20 Iomraidhean Croise

2 Samuel 20:6

Unre Dạud do Abisaeye metadea, “Absalom aboakʼ tinạkʼ bae loksan akatʼ ona khon hõ Bikri hopon Seba do ḍhere loksan tabona. Ńitokʼ am do ińren hoṛkoante uni khudạue lạgitʼ oḍok calakʼme. Ar baṅkhan uni do jãhãn pạcrite esetʼ nagrahae sendra ńamle khan abo ṭhen khone dạṛ paskaokʼa.”

1 Rapajko 20:21

Israelren raj doe laha idiyente sarecʼ sadomko ar rãt gạḍikoe maraoketʼtakoa ar Aramrenkoakʼ ạḍiye loksanketʼ takoa.

2 Bõsbudạ 13:17

Abia ar uniren hoṛko do ạḍi utạr hoṛko gocʼketʼkoa. Onate Israelkoren bachao akan hoṛko mod khon mõṛẽ lakh hoṛko gocʼena.

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Jirimiạ 8:14

Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

Dosar Biboron 20:16

Menkhan aperen Probhu Isor do okoe jạtrenkoakʼ ato ar nagrahako somppoti lekateye emape lạgidokʼkan onḍe okoe hõ jiwetʼ do alope dohokoa.

Josuạ 10:10

Probhu Isor do Israelko samaṅre onkoe andmandao ocoketʼkoa. Onate Probhu Isor do Gibeonre Israelko hotete onkoren ḍher hoṛe gocʼketʼkoa. Beth-Harante rakapʼ calao akan horre Probhu Isor do Israelko hotete onkoe khudạu idiketʼkote Aserka ar Makeda hạbicʼ goṭa hore ńẽtʼ idiketʼkoa.

Josuạ 10:19

Menkhan hape akae alope tahena; aperen bạiriko laga idikope, tayom secʼ khon akromonkope ar akoakʼ nagrahate alope sen ocoakoa. Aperen Probhu Isor do apeakʼ tire onkoe jimạ akatʼkoa.”

Josuạ 10:21

Inạ tayom Israelren lạṛhại phạdko do Makeda reakʼ ḍerate Josuạ ṭhenko ruạṛ calaoena. Israelko upạrte ar celege jãhãnakʼ roroṛ bako dilleda.

Josuạ 11:12

Josuạ do onko rajkoakʼ nagrahakoe hatketʼte onḍenko rajkoe bondiketʼkoa. Probhu Isorren guti Moseyakʼ hukum lekage uni do onko sanamkoe marao cabaketʼkoa.

Josuạ 11:8

Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Josuạ 8:24

Okaṭakʼ ṭạnḍire, metakʼme oka hahaṅkarre Ae nagraharen hoṛ do Israelkoko khudạu idiletʼko onḍege Aeren hoṛko gocʼ ocoyen tayom sanam Israelko do Ae nagrahateko ruạṛ hecʼena ar nagrahare okoeko tahekan onko sanamko gocʼketʼkoa.