Josuạ 10:11 - সান্তালী বাইবেল

¹¹ Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Josuạ 10:11 Iomraidhean Croise

Genesis 19:24

Ona tayomge Probhu do sermaren Probhu Isor ṭhen khon Sodom ar Gomora cetanre gondhok ar seṅgel dakʼe jạ̃ṛĩkeda.

2 Samuel 18:8

Unre lạṛhại do goṭa ṭoṭha pasnao idiyena ar lạṛhạite tinạkʼ hoṛ bako gocʼlen ona khon ḍher do bir iạteko gocʼena.

Jobakʼ 38:22

“Am do cetʼ him reakʼ murạirem bolo akana se arel reakʼ murạikom ńel akada?

Jobakʼ 38:23

Onako do gạr jokhecʼ lạgitʼ iń jogao dohoakada, ona do khanḍa khạnḍi ar lạṛhại reakʼ din lạgitʼ iń jogao dohoakada.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Sereńko 147:17

Uni do piṭhạ kecakʼ leka arele ńur ocoyeda; uni emakʼ rabaṅ do okoeye sahao daṛekea?

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 28:21

Probhu Isorgeye lạṛhạiya, cetʼleka uni do Perasim buru ṭhene kạmiletʼ. Uni doe raṅgaokʼa, cetʼleka Gibeon buru ṭhene raṅgaolen. Nonkate uni do acʼakʼ kạmi, acʼakʼ hahaṛa kạmiye sạta.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jeheskel 13:11

Ona iạte okoe noako kạmikan onkom metakoa, ona pạcri bhit do lạnduṛokʼa. Jhar jhare daga ar lạṭu lạṭu arelko ńurokʼa ar birbão hoeko hijukʼa.

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Bikʼcạrko 5:20

Serma khon ipilkoko lạṛhạiyena, apan ạpin ḍahar khon lạṛhạiyenako Sisera birudre.