Josuạ 10:10 - সান্তালী বাইবেল

¹⁰ Probhu Isor do Israelko samaṅre onkoe andmandao ocoketʼkoa. Onate Probhu Isor do Gibeonre Israelko hotete onkoren ḍher hoṛe gocʼketʼkoa. Beth-Harante rakapʼ calao akan horre Probhu Isor do Israelko hotete onkoe khudạu idiketʼkote Aserka ar Makeda hạbicʼ goṭa hore ńẽtʼ idiketʼkoa.

Josuạ 10:10 Iomraidhean Croise

2 Samuel 22:15

Uni do sarkoe aṛakʼketʼte bạirikoe chirchạturketʼkoa ar bijlikoteye andmandaoketʼkoa.

1 Rapajko 9:17

Ona iạte Solomon do Geser arhõe benao dohṛakeda. Ona chaḍa uni do latar Bet-Horon,

2 Bõsbudạ 14:12

Unre Asa ar Jihudạren hoṛko samaṅ khon Probhu Isor do Kusrenkoe ńẽtʼketʼkoa. Onate Kusren hoṛko doko dạṛkeda.

2 Bõsbudạ 25:13

Ar okoe lạṛhại phạdko do Amasiại kol ruạṛletʼko tahẽkan onko do Samariạ khon Bet-horon hạbicʼ Jihudạ reakʼ sanam ato ar nagrahako akromonkeda. Onko do pe hajar hoṛko gocʼketʼkoa ar ạḍi utạr jinisko luṭ idikeda.

Sereńko 18:14

Uni do sarkoe aṛakʼketʼte bạirikoe chirchạturketʼkoa, ar bijlikoteye andmandaoketʼkoa.

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Sereńko 68:14

Sanam daṛean Isor do tinre disạm talare rajkoe chirchạtur ocoletʼkoa, unre Salmon burure do him ńurokʼkan tahẽkana.”

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Jesaea 28:21

Probhu Isorgeye lạṛhạiya, cetʼleka uni do Perasim buru ṭhene kạmiletʼ. Uni doe raṅgaokʼa, cetʼleka Gibeon buru ṭhene raṅgaolen. Nonkate uni do acʼakʼ kạmi, acʼakʼ hahaṛa kạmiye sạta.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jirimiạ 34:7

Ona jokhecʼ Babel rajren lạṛhại phạdko do Jerusalem, Lakis ar Aseka upạrteko lạṛhạikan tahẽkana, ente Jihudạ disạm talare eken pạcrite esetʼ nagrahakoge ạidạri lạgitʼ sarecʼ tahẽkana.

Sakariạ 14:3

Ona tayom Probhu Isor doe oḍokokʼa ar lạṛhại jokhecʼ okae cekae onkage uni do jạtrenko upạrteye lạṛhạiya.

Dosar Biboron 7:23

Aperen Probhu Isor do apeye soprotapea onko ạuriko marao utạrokʼ hạbicʼ.

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Josuạ 10:28

Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Josuạ 10:9

Gilgal khon oḍok kate goṭa ńindại taṛam senen tayom Josuạ do ackage onkoe akromonketʼkoa.

Josuạ 11:8

Probhu Isor do Israelkoakʼ tire onkoe jimạkatʼkoa. Israelko do onko gocʼ gocʼte maraṅ Sidon, Misrephot-Mayim ar purub secʼ reakʼ Mispa lodam hạbicʼko khudạu idiketʼkoa. Ar mucạtʼ hạbicʼ okoehõ jiwetʼ do bako tahẽlena.

Josuạ 15:35

Jarmut, Adulam, Soko, Aseka,

Josuạ 15:41

Goderot, Bet-Dagon, Nama ar Makeda. Niạ gel turui goṭecʼ nagraha ar ona aḍepase reakʼ atokoko ńamleda.

Josuạ 16:3

Ona tayom simạna do pạchim secʼ pheḍ hecʼente latar reakʼ Bet-Horon ṭoṭha hạbicʼ Jophletkoakʼ elakate senkate onḍe khon Geser hạbicʼ calaoena ar jalapurire senkate mucạtʼena.

Josuạ 16:5

Ephrayim gusṭiren judạ judạ bõskoakʼ jaega do hoyokʼ kana: purub secʼ onkoakʼ sompotti reakʼ simạna do Atarot-Adar khon ehopʼkate cetan reakʼ Bet-Horonte senkate jalapuri hạbicʼ calaoena. Ona tayom utạr secʼte ona simạna do Mikmathot khon ạcurkate purub secʼ Tanot-Silo paromkate Jano purub secʼ calaoena.

Bikʼcạrko 4:15

Barak do tinre onko cetanre jhãpe emkeda unre uni samaṅre Probhu Isor do Sisera ar uniyakʼ sanam rãt gạḍi ar lạṛhại phạdkoe andmandao ocoketʼkoa. Unre Sisera do acʼakʼ rãt bạgikateye dạṛkeda.

Bikʼcạrko 4:16

Barak do menkhan Haroset-hagoyim hạbicʼ onkoakʼ rãt gạḍiko ar lạṛhại phạdkoe khudạu idiketʼkoa. Uni do Siseraren sanam lạṛhại phạdkoe gocʼ cabaketʼkoa, mitʼ hoṛ hõ sarecʼ do bae doholetʼkoa.

Bikʼcạrko 5:20

Serma khon ipilkoko lạṛhạiyena, apan ạpin ḍahar khon lạṛhạiyenako Sisera birudre.

1 Samuel 13:18

Ar mitʼ dol do Bet-horon secʼ ar eṭakʼ dol do ona buru ṭoṭha secʼ one onḍe khon hahaṅkar ṭoṭha reakʼ Seboyim buru lodam ńelńamokʼ.

1 Samuel 17:1

Philisṭiko do lạṛhại lạgitʼ phạdkoko jarwaketʼkote Jihudạ gusṭirenkoakʼ Sokoteko senena. Onko do onḍe senkate Soko ar Aseka tala reakʼ Ephesdamin atoreko ḍerayena.