Josuạ 1:7 - সান্তালী বাইবেল

⁷ Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Josuạ 1:7 Iomraidhean Croise

1 Rapajko 2:2

“Dhạrtiren sanamko okaṭakʼ horte calakʼ hoyokʼtako iń hõ ńitokʼ do ona hortegeń mohnḍa akana. Onate am do keṭejokʼme, ar mitʼṭen keṭecʼ herel hopon leka udugokʼme.

1 Rapajko 2:3

Amren Probhu Isorakʼ sanaleka uniyakʼ horte calakʼme ar Moseyakʼ ạn-ạrire ol akan Probhu Isorakʼ joto niạmko, hukumko, sopolhako ar gohawakʼkom dohoya. Nonkate jãhãnakʼgem kạmi ar jãhãtegem calakʼ onḍegem jo bahakʼa.

2 Rapajko 22:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

2 Bõsbudạ 15:7

Menkhan ape do daṛeanko hoyokʼpe, ar alope as chuṭạukʼa, ente kạmi reakʼ kuṛại dope ńamgea.”

2 Bõsbudạ 26:5

Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.

Jobakʼ 1:8

Unre Probhu Isor do Soetane metadea, “Ińren guti Job do cetʼem kheyal akadegea? Dhạrtire uni lekan do ar celege bạnukʼkoa. Uni do bindusạn are dhoromgea. Uni do ińe botorạń kana ar sanam lekan bạṛicʼakʼ khon sạṅgińreye tahenkana.”

Sereńko 80:19

E sanam daṛeanicʼ Probhu Isor, am do lahate leka beretʼ ruạṛlem; ar amakʼ daya reakʼ marsal do ale cetanre paṛaokʼma, onate ale do bańcaole ńama.

Kạhtukko 4:27

Jojom ti secʼ se leṅga ti secʼ alom ghańjeṛokʼa; ar bạṛicʼ khon amakʼ jaṅga sahaṛ akae dohoytam.

Kạhtukko 8:20

Iń do dhorom reakʼ horteń taṛameda, ar dhorom bicạr reakʼ horreń dãṛãnkana.

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Numeri 27:23

Ona tayom Probhu Isorakʼ hukum leka uni cetanre ti capokateye bhoradea.

Dosar Biboron 11:8

“Ar okaṭakʼ disạm dokhol lạgitʼ ape do jordan gaḍape parom lạgidokʼkan onḍe senkate jemon onape dokhol daṛeakʼ ar Probhu Isor aperen hapṛamko ṭhen toa ar dumur rasate perecʼ okaṭakʼ disạm emako reakʼe gokʼletʼ tahẽkana onḍe ḍher din jemon jiwetʼpe tahen onate teheń okań hukumapekan onape manaoa.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Dosar Biboron 28:14

Teheń okako hukumiń emapekan, onako modre jãhãṭakʼ khon etom se końe secʼ senkate eṭakʼ Isorko secʼ alope ghańjeṛokʼa ar alope sewawakoa.

Dosar Biboron 29:8

Ar unkinakʼ disạm hatkate sompotti lekate Rubenrenko, Gadrenko ar Manase khũṭren adha hoṛko do ona bon em akatʼkoa.

Dosar Biboron 29:9

Ona iạte ape do noa bondobos reakʼ sanam hukumko joton salakʼ dohoype jemon sanamakʼ kạmire bhạlại hoyokʼtape.

Dosar Biboron 31:7

Inạ tayom Mose do Josuại hohoadea ar sanam Israelko samaṅre uniye metadea, “Daṛean hoyokʼme ar monre dil joṅme ente amge noko hoṛko sãote ona disạmte calakʼ hoyokʼtama one okaṭakʼ Probhu Isor do nokoren hapṛamko ṭhen emokʼ lạgitʼe gokʼletʼ. Ar amge ona disạm do sompotti lekatem hạṭińakoa.

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

Josuạ 1:1

Probhu Isorren guti Moseyakʼ gujukʼ tayom Probhu Isor do Moseren gokʼṛoyicʼ Nanren hopon Josuại metadea,

Josuạ 1:8

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Josuạ 11:15

Probhu Isor do acʼren guti Mose okako hukume emade tahẽkan onage uni do Josuại baḍae ocoledea, ar Josuạ do onako hukume manaoleda. Probhu Isor do Mose okakoe hukumade tahẽkan Josuạ do ona reakʼ mitʼṭecʼ hõ bae bemanotleda.

Josuạ 23:6

“Onate ape do apeakʼ sanam daṛete Moseyakʼ ạn-ạriko reakʼ puthire oka ol menakʼ ona jotowakʼpe manaoa; ar ona khon oka secʼge alope ghańjeṛokʼa.