Josuạ 1:6 - সান্তালী বাইবেল

⁶ “Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Josuạ 1:6 Iomraidhean Croise

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

2 Samuel 10:12

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

1 Rapajko 2:2

“Dhạrtiren sanamko okaṭakʼ horte calakʼ hoyokʼtako iń hõ ńitokʼ do ona hortegeń mohnḍa akana. Onate am do keṭejokʼme, ar mitʼṭen keṭecʼ herel hopon leka udugokʼme.

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

2 Bõsbudạ 15:7

Menkhan ape do daṛeanko hoyokʼpe, ar alope as chuṭạukʼa, ente kạmi reakʼ kuṛại dope ńamgea.”

2 Bõsbudạ 20:11

Ạidạri lekate okaṭakʼ sompotti alem emakatʼle, ńitokʼ ńelme onko do ona bodolte nonḍe khon laga oḍokle lạgitʼko hijukʼkana.

2 Bõsbudạ 20:7

E aleren Isor, amren hoṛ Israelko samaṅ khon niạ disạmren hoṛkom laga ńirketʼkote amren guti Abraham bõsren hoṛko jaejug lạgitʼem em akatʼkoa.

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Hagae 2:4

Ona tayom am do onkom metakoa, Probhu Isore meneda, ‘E Serubabel, am do dil joṅme; E maraṅ naeke Josuạ, dil joṅme; E disạmren sanam hoṛko, apehõ dil joṅpe ar kạmipe; ente iń phạdkoren Probhu Isor do ape são sãotege minạńa.

Sakariạ 8:9

“Iń phạdkoren Probhu Isorgeń meneda, ińakʼ oṛakʼ benao lạgitʼ rehetʼ bạisạu jokhecʼ nạbiko do ona kathageko roṛleda, ar ńitokʼ ape do inạ kathagepe ańjomeda; onate ape do daṛeanko hoyokʼpe.

Numeri 26:53

“Am do hoṛkoakʼ lekha lekate disạmem hạṭińakoa jemon onaren ạidạriko hoedaṛeakʼ.

Numeri 33:53

“Ar inạ tayom do ona disạmpe dokhol joṅa arpe girobasokʼa ente ona dokhol lạgitʼgepe em ocoakana.

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Dosar Biboron 1:21

Ar ńelpe, aperen Probhu Isor emakʼ goṭa disạmge ape samaṅre menakʼa. Aperen hapṛamkoren Probhu Isorakʼ katha leka senkate ape do disạm dokhol joṅpe. Ar alope botorokʼa, ar alope as chuṭạukʼa.’

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 11:8

“Ar okaṭakʼ disạm dokhol lạgitʼ ape do jordan gaḍape parom lạgidokʼkan onḍe senkate jemon onape dokhol daṛeakʼ ar Probhu Isor aperen hapṛamko ṭhen toa ar dumur rasate perecʼ okaṭakʼ disạm emako reakʼe gokʼletʼ tahẽkana onḍe ḍher din jemon jiwetʼpe tahen onate teheń okań hukumapekan onape manaoa.

Dosar Biboron 31:23

Probhu Isor do Nunren hopon Josuạ noae hukumadea, “Daṛeanicʼ hoyokʼme ar monre dil dohoyme. Ente oka disạm emokʼ lạgitʼ iń gokʼletʼ ariń kiriạlen onḍe do amgem idikoa. Ar ińge am sãoteń tahena.”

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

Josuạ 1:18

Ar jãhãege amakʼ hukum upạrteye teṅgokʼ ar amakʼ katha leka bae calakʼ enḍekhan uni doe gocʼ ocokʼa. Am do eken daṛean hoyokʼme ar dil dohojoṅme.”

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Josuạ 10:25

Josuạ do onkoe metatʼkoa, “Alope botorokʼa, ar alope as chuṭạukʼa. Daṛeanko hoyokʼpe ar monre dil dohoype. Ente okoe bạiriko sãote lạṛhại lạgitʼpe oḍok calakʼ onko sanamkoakʼ dosa Probhu Isor do nonkageye hoe ocoytakoa.”

Josuạ 18:3

Onate Josuạ do Israelkoe metatʼkoa, “Aperen hapṛamkoren Probhu Isor okaṭakʼ disạm sompotti lekateye emakawatʼpe ona hat lạgitʼ do ar tinạkʼpe biloma?

Josuạ 21:43

Probhu Isor do Israelkoren hapṛamko oka jaega emako reakʼe gokʼatʼko tahẽkan onako jotowakʼgeye ematʼko tahẽkana. Ar Israelko do ona disạmko dokholketʼte onḍe girobasokʼko ehopʼena.

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.

1 Samuel 4:9

E Philisṭiko, dil akae tahenpe, ar herel hopon kanpe ona baṛe udug tabonpe. Ar baṅkhan Ibriko cetʼleka aperen golamko hoylen onkage ape hõ onkoren golampe hoyokʼa. Apepe herel hopon kan ona baṛe udugpe ar lạṛhạipe.”