Josuạ 1:5 - সান্তালী বাইবেল

⁵ Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Josuạ 1:5 Iomraidhean Croise

Genesis 39:2

Probhu Isor do Joseph sãoteye tahẽkante joto lekan kạmireye jo baha ocoyede tahẽkana. Onate uni do Misriạ kisạ̃ṛakʼ oṛakʼreye doho ocoyena.

1 Rapajko 1:37

Isor do cetʼleka ińren mạlik maharaj sãoteye tahẽkan onkage Solomon tulucʼ hõe tahenma ar ińren mạlik Dạudakʼ rajosṭi khon uniyakʼ rajosṭi do arhõ ṭhonok anakʼe hoeocoytae ma!”

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

1 Rapajko 6:13

Ar Israelko talareń girobasokʼa ar ińren hoṛ Israelko do bạń bạgi giḍikoa.”

1 Rapajko 8:57

Aboren Probhu Isor do cetʼleka aboren hapṛamko sãoteye tahẽkan onkage uni do abo sãote hõe tahenma. Uni do tishõ alo jemone bạgi giḍiyabon se alo jemone aṛakʼ giḍikabon.

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Jirimiạ 1:8

Onko do alom botorakoa, ente iń Probhu Isorge amiń rukhiyạmea ar am sãotegeń tahena.”

Daniel 11:16

Unre jhãp emokʼko do akoakʼ kusi lekako kạmiya; onko upạrte celege bako teṅgo daṛeakʼa. Uni do ṭhonok disạm upạrteye teṅgona ar ona do ekalte uni gobolokʼa.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Dosar Biboron 31:23

Probhu Isor do Nunren hopon Josuạ noae hukumadea, “Daṛeanicʼ hoyokʼme ar monre dil dohoyme. Ente oka disạm emokʼ lạgitʼ iń gokʼletʼ ariń kiriạlen onḍe do amgem idikoa. Ar ińge am sãoteń tahena.”

Dosar Biboron 4:31

Aperen Probhu Isor doe dayakʼicʼ Isor kana; uni do bae bạgiyapea se bae maraopea, menkhan kiriạkate aperen hapṛamko lạgitʼ oka bondobose dohoakatʼ ona do alope hiṛińa.

Dosar Biboron 7:24

Onkoren raj do apeakʼ tireye jimạyea ar ape do onkoakʼ ńutum dhạrti khonpe meṭao utạrtakoa. Cele hõ bako teṅgo daram daṛeapea; ape dope marao cabakoa.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Josuạ 1:17

Cetʼleka ale do Moseyakʼ kathale manao ạguakatʼ, onkage amakʼ hõle manaoa. Amren Probhu Isor do Mose sãote cetʼlekae tahẽkan onkage ape sãote hõ baṛeye tahenma.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Josuạ 10:8

Probhu Isor do Josuại metadea, “Alom botorakoa; onko do amakʼ tireń soprotkoa. Onko do okoege am samaṅre bako teṅgo ṭarhao daṛeakʼa.”

Josuạ 21:44

Onkoren hapṛamko ṭhen Probhu Isorakʼ gokʼakʼ lekage uni do beṛhaeteakʼ lạṛhạiko khone jirạu ocoketʼkoa. Cele bạirige onko samaṅre bako teṅgo daṛeada. Probhu Isor do sanam bạiriko onkoakʼ tireye jimạkatʼkoa.

Josuạ 3:7

Unre Probhu Isor do Josuại metadea, “Teheń khon sanam Israelkoakʼ mẽtʼre amakʼ manotiń ḍher ocoya, jemonko bujhạu daṛeakʼ, iń cetʼleka Mose sãoteń tahẽkan onkage am sãore hõ minạńa mente.

Josuạ 6:27

Probhu Isor do Josuạ sãoteye tahẽyena, ar uniyakʼ ńutum do goṭa disạmre pasnao idiyena.

Bikʼcạrko 2:18

Probhu Isor do tinre onko lạgitʼ jãhãe disạm cakʼlaoyicʼe teṅgoyetʼko tahẽkana unrege uni do onko tulucʼe tahenkan tahẽkana. Ar disạm cakʼlaoyicʼ tinạkʼ din jiwetʼe tahenkan tahẽkan unạkʼ din bạirikoakʼ ti khon Israelkoe rukhiyạyetʼko tahẽkana. Onko do santao iạte tinreko rakʼetʼ tahẽkana unre Probhu Isor do onko cetanreye dayakʼ kan tahẽkana.

Bikʼcạrko 6:16

Probhu Isore roṛ ruạṛketʼteye menkeda, “Iń do am sãoteń tahena, ar onate sanam Midiạnrenko do mitʼ hoṛ lekagem haraokoa.”

1 Samuel 10:7

Niạko cinhạ hoylenre am do okaṭakʼ cekae lektam onagem onkaea; Isor do am sãoteye tahena.