Jona 4:8 - সান্তালী বাইবেল

⁸ Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Jona 4:8 Iomraidhean Croise

Jona 4:3

Ńitokʼ do E Probhu Isor, ińakʼ jiwi baṛe hataotińme, ente ińakʼ jiwetʼ tahen khon gujukʼge bhagetińạ.”

Jeheskel 19:12

Menkhan Probhu Isor do edre onae or totʼketʼte otreye giḍikada. Puruạ reakʼ hoete ona do rohoṛena, ona reakʼ jo do goso ńurena; uniyakʼ keṭecʼ ḍạrko do rạputʼente rohoṛena, ar seṅgel do onae jomkeda.

Sereńko 121:6

Sińre do siń cando ar ńindạ do ńindạ cando unkin do jãhãnakʼ bạkin hạnmea.

Johan sodor 7:16

Noko do ar baṅ reṅgecʼkoa, baṅ tetaṅkoa; siń cando reakʼ dãk hõ hoṛmore baṅ paṛao akoa, ar bebạṛicʼ lolo hõ bako ạikạua,

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Jona 1:17

Probhu Isor do Jona ude lạgitʼ mitʼṭen maraṅ okocʼ hakoe ṭhik dohoakade tahẽkana. Ar Jona do uni hakoakʼ lacʼre pe siń pe ńindại tahẽyena.

Jona 1:4

Unre Probhu Isor do jalapurire mitʼṭecʼ tạpis hoeye kolkeda. Ona iạte nonka botoranakʼ birbão hoe rakapʼena, jahaj do rạpudokʼ leka hoyena.

Soros sereń 1:6

Ińiń hendegete nonka do alope koyokʼạńạ, ente siń candogeye jharkao akadińạ. Ińren boehako do ińreko edre akante darkha bagwan horhoyicʼ menteko dohokadińa, onate ińakʼ darkha bagwan do bạń joton akada.

Sereńko 39:9

Iń do thir hapege minạńa, moca do ar bạń cahabtińạ, ente amge noako dom hoyocoakada.

Jobakʼ 2:10

Menkhan Job do uniye metadea, “Am do mitʼṭen dundhi maejiu leka katham roṛeda. Abo do cetʼ Isor ṭhen khon eken bhạlạige bon ataṅa, ar be bhạlạiyakʼ do baṅa?” Niạko hoyenre hõ Job do acʼakʼ kathate bae kạileda.

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Mathae 20:12

‘Ale do goṭa din jharla jhạrli setoṅrele kạmikeda. Menkhan mucạtʼre okoe kạmireko dhurạu ocolen onko do eken mitʼ ghạṛiko kạmikeda, ar ale somangem ematʼkoa.’

1 Rapajko 19:4

Menkhan acʼ do hahaṅkar talate mitʼ din reakʼ horteye laha idiyena. Ar onḍe mitʼṭecʼ rothem jhạuạ latarre duṛupʼkate gujukʼ lạgitʼe koekeda. Uni doe menkeda, “E Probhu Isor, ḍherge hoyakana. Nitokʼ do ińakʼ jiwi baṛe hataotińme; ente ińren hapṛamko khon mońj do bạnuńa.”

Hosea 13:15

Ephrayim do acʼren boehako talareye jo bahakʼre hõ enhõ Probhu Isor ṭhen khon purub reakʼ mitʼṭecʼ hoe do hahaṅkar khoniń rakapʼ ạguiya; ona reakʼ jharna dakʼ do baṅ tahena ar uniyakʼ kũńko hõ rohoṛ cabakʼtaea. Ar uniyakʼ khajańci reakʼ sanam damanakʼ jinisko do luṭ idikʼa.

Jona 4:9

Menkhan Isor do Jonae metadea, “Ona dare ńutumte pit caṛhaokʼ kantam dom ṭhiketʼgea?” Jonae menkeda, “Hẽ gujukʼ hạbicʼ pit caṛhaokʼkantiń doń ṭhiketʼgea.”

Genesis 41:6

Ar ona tayom do arhõ eae goṭecʼ copa copa geleyena. Onako do purub reakʼ hoete tolmocʼge tahẽkana.

1 Rapajko 21:4

“Ińren ạpuń ar goṛomiń ṭhen khon ńamakʼ sompotti do bạń em daṛeama.” Ahab do Jisriyelren Nabatakʼ niạ katha iạte acʼakʼ mẽtʼãhãe kurkunḍucʼketʼtaea ar oṛakʼteye calaoena. Uni do aṭetʼre eṭakʼ secʼ samaṅkateye giticʼ hapeyena ar cetʼhõ bae jom-ńũleda.

Jobakʼ 7:15

Onate niạ jaṅ hoṛmowante jiwetʼ tahen khon jãhãeye limbạtʼ gojeń onageń khojkea.

Sosolhayic̕ 7:9

Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.