Jona 1:3 - সান্তালী বাইবেল

³ Menkhan Jona do Probhu ṭhen khon Tạrsiste ńir pharakokʼ lạgitʼe mohnḍayena. Uni do Jopha bondorre senkate Tạrsiste calakʼ reakʼ mitʼṭecʼ Jahaje ńamkeda. Ar bhaṛa em tayom ona jahajreye decʼena ar Probhu Isor ṭhen khon ńir pharakokʼ lạgitʼ Tạrsis secʼe mohnḍayena.

Jona 1:3 Iomraidhean Croise

Genesis 3:8

Ado ạyupʼ reakʼ reaṛ hoeye ehopʼ akatʼ tahẽkanre unkin do Probhu Isorakʼ aṛaṅkin ańjomketʼtaea. Ente bagwanre uni doe dãṛãbaṛae kan tahẽkana. Unre Adam ar uniren bạhu do Probhu Isor samaṅre alo paṛaokʼ lạgitʼ bagwan reakʼ dareko talarekin okoyena.

Genesis 4:16

Noa tayom Kain do Probhu Isor samaṅ khone calaoente Eden reakʼ purub secʼ Nod ńutumanakʼ mitʼṭecʼ disạmre girobasokʼe ehopʼena.

1 Rapajko 19:3

Noa iạte Eliạ do botor caṛhaoadete jiwi bańcaotae lạgitʼe dạṛkeda. Uni do Jihudạ ṭoṭha reakʼ Ber-sebate seṭerkate acʼren guti do onḍegeye bạgi oṭowadea,

1 Rapajko 19:9

Ar onḍe mitʼṭecʼ danderreye giticʼ aṅgayena. Onḍe Probhu Isor do Eliạ ṭhen seṭerenteye kulikedea, “E Eliạ, nonḍe do cetʼem ceka kana?”

2 Bõsbudạ 2:15

“Onate ińren mạlik am oka lekam menakatʼ ona lekage jao, guhum, jạiutun reakʼ sunum ar darkha rasa do ale ṭhenem kola.

2 Bõsbudạ 2:16

Ale do Lebanon khon amakʼ jạruṛokʼ leka sanam kaṭko makʼkate mitʼ dhaote tolkate doreãore cape ocokate Japho nagraha hạbicʼle idiya. Ar ona tayom do Jerusalemte onakom idi ocokoa.”

2 Bõsbudạ 9:21

Ar rajakʼ adomakʼ maraṅ maraṅ jahajko do Hiramren hoṛko soṅgekate Tạrsiste calakʼkan tahẽkana. Pe bochor por por ona Tạrsis reakʼ jahajko do sona, rupạ, hạti sonḍa, hạṛũko ar marakʼkoko ạguyetʼko tahẽkana.

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

Jobakʼ 1:12

Unre Probhu Isor do Soetane metadea, “Bhagegea, uniyakʼ okako menakʼ ona do amakʼ tireń jimạkeda, menkhan uniyakʼ hoṛmo cetanre mitʼṭecʼ kạṭupʼ hõ alom calaoa.” Unre Soetan do Probhu Isor samaṅ khone oḍok calaoena.

Jobakʼ 2:7

Inạ tayom Soetan do Probhu Isor samaṅ khone oḍok calaoena ar Jobakʼ bohokʼ khon jaṅga talka hạbicʼ hasote perecʼ ghaoe kolladete kosṭo emaye ehopʼena.

Sereńko 107:23

Okoe jahajte jalapurireko dãṛãnkan maraṅ jalapurireko kamkaj joṅkan,

Jesaea 2:16

sanam Tạrsis-jahajko ar mitʼke mitʼ jakjomok jahajko do copotʼ ocokʼa.

Jesaea 23:1

Tur babotre Probhu Isorakʼ katha do nonka: E maraṅ maraṅ tạrsis jahajko, hae haeyokʼpe, ente Tur do jarkhar akana; onḍe do oṛakʼ hõ bạnukʼa, bondor hõ bạnukʼa. Ape do Kuprus disạm khon niạ sombatpe ańjomakada.

Jesaea 23:10

E Tạrsisren hoṛko, nil gaḍa dakʼ cetʼ leka chạplạu rakabokʼ onkage ape hõ disạmrepe chirchạturokʼa; ape aṭkao dohope leka do ar celege bạnukʼkoa.

Jesaea 23:6

E jalapuri aṛe aṛete girobasokʼ kan hoṛko, ape do hae haeyokʼpe; ar Tạrsiste parom senokʼpe.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jirimiạ 10:9

Tạrsis khon koṭecʼ capṛawakʼ rupạ ar Uphas khon sonako ạguiyeda. Ar kạrigol ar sonhar do onakote boṅgako muṛạuetʼkoa. Onko do beguni roṅakʼ kicricʼ ar jeṅgetʼ arakʼ kicricʼko horokʼako kana; ona do gạkhuṛ kạrigol tite benaoakʼ kana.

Jeheskel 2:8

E manwa hopon, iń okań metam ona ańjomme. Am do onko huhulkan jạtrenko leka do alom hoyokʼa. Ma cahabme, ar okań emamkan ona jomme.”

Jeheskel 27:12

“ ‘Amakʼ asambheṛ dhon-durib lạgitʼ Tạrsis do am sãoteye bạnij-beparetʼ tahẽkana; rupạ, mẽṛhẽtʼ, ṭin ar sisạkote amakʼ jiniskoe kirińetʼ tahẽkana.

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Jona 1:10

Ar Probhu Isor ṭhen khone ńir pharakokʼ kan onko do onako baḍaekeda, ente Jona do ona kathae lạiyatʼkoa. Onate onko do botorente uniko kulikedea, “Noa do cetʼem ceka akada?”

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Luk 9:62

Jisu do uniye metadea, “Nahel kãṛbare ti capokate tayom secʼ beṅgetʼicʼ do Isorakʼ raj lạgitʼ lek doe baṅkana.”

Aposkạmi 15:38

Menkhan Pạul do uni soṅgete iditoraye bhage do bae metatʼa, ente Mark do Pamphuliạreye bạgi oṭowatʼkin tahẽkana ar unkin sãote ar bae kạmileda.

Aposkạmi 26:19

“E Agrippa raj, onate serma khon noa dorson hotete okakoń men ocoakan ona doń batao ạguakada.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Aposkạmi 9:38

Jappo do Ludda sorre tahẽkana; onate celako do Patras Luddare menaea menteko ańjomketʼ khan bar hoṛ uni ṭhen kolketʼkinteko nehõradea, “Am do usarate ale ṭhen baṛe hijukʼme.”

Aposkạmi 9:42

Noa katha do Joppa nagraharen sanamko baḍaekeda ar ḍher hoṛge Probhu Isorreko pạtiạuena.

Aposkạmi 9:43

Ar Patras do Joppare Simon ńutuman mitʼṭen hoṛakʼ oṛakʼre ḍher dine tahẽyena. Ar nui Simon do mitʼṭen camar hoṛe tahẽkana.

1 Korinthiko 9:16

Iń do bhage sombatgeń porca akada, enrehõ onate sarhaokʼ reakʼ cetʼge bạnukʼtińạ, ente ona do kạmi lagaoạńgea. Bhage sombat bạń porcarle khan ińre do hae hae!

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Josuạ 19:46

Mejarkon, Rakon ar Jopa samaṅ reakʼ ṭoṭhako paṛaoena.