Jona 1:12 - সান্তালী বাইবেল

¹² Jonae roṛ ruạṛkeda, “Doreãore giḍikạńpe enḍekhan jalapuri do ḍelḍel thirokʼa. Ińiń baḍaea, ińakʼ dos iạtege noa birbão hoe do apere paṛao akana.”

Jona 1:12 Iomraidhean Croise

2 Samuel 24:17

Okoe serma goḍet do hoṛkoe ńẽtʼetʼko tahẽkan Dạud do uniye ńelkede khan Probhu Isore metadea, “Ińgeń ghạṭ akada ar ińgeń behok akada. Menkhan noko bhiḍiko do cetʼko ceka akada? Onate eken iń ar iń ạpuńren bõskoge baṛe sạjạilem.”

1 Bõsbudạ 21:17

Unre Dạud do Isore metadea, “Hoṛko lekhako reakʼ hukum do cetʼ ińge bạń emakada? Kại do ińgeń kại akada, ar behokakʼ hõ ińgeń behok akada. Noko ma eken bhiḍi leka, noko do cetʼko ceka akatʼte? E Probhu, ińren Isor, amakʼ ti do iń ar ińakʼ gharońjrenko cetanre baṛe rakabtam, menkhan hoṛko cetanre niạ mahamạri do alo baṛe paṛaokʼma.”

Jobakʼ 35:8

Amakʼ dusṭạmi do eken manwawakʼgeye khutiya. Ar amakʼ dhorom do eken onkogeye bhạlạikoa.

Sosolhayic̕ 9:18

Lạṛhại reakʼ sajbaj khon ạkil do sorosgea, menkhan mitʼṭen kại hoṛ do ạḍi utạr boge kạmiye bạṛija.

Jona 1:11

Jalapuri reakʼ haḍak ḍabakokʼ ḍheoko do arhõ tạpis idikʼkante uniko kulikedea, “Jalapuri jemon ḍelḍelokʼ ona lạgitʼ am dole cekamea?”

Jona 1:13

Enhõ onko cakʼlaoko do ona baṅkate ghuṭu secʼ jahaj calao idiko kurumuṭukeda; menkhan bako daṛeada, ente jalapuri reakʼ haḍak ḍabakokʼ do arhõ bạṛti idiyena.

Johan 11:50

Uni doe metatʼkoa, “Ape do cetʼge bape baḍaea, ar hudis hõ bape hudisetʼ kana, goṭa jạtren nosṭokʼ khon bickom sanam hoṛko bodolte mitʼ hoṛe gujukʼge bhagea.”

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Josuạ 7:12

Ona iạte Israelko do akoren bạiriko samaṅre bako teṅgo ṭarhao daṛeakʼ kana; arko dạṛeda, ente onko do ḍahao maraokʼ reakʼ sarapakʼ taberen hoṛko hoyakana. Ḍahao maraokʼ sarapakʼ tabe reakʼ jinisko ape ṭhen menakʼa. Onako ạuripe ocokʼ cabae hạbicʼ ape sãore iń do bạń tahena.