Jona 1:1 - সান্তালী বাইবেল

^1-2 Probhu Isorakʼ noa katha do Amitạiren hopon Jona ṭhen sodorena, “Am do ona maraṅ nagraha Niniwite senokʼme ar ona upạrte porcarme, ente hoṛkoakʼ bạṛicʼakʼ iń ńel ńametʼ kana.”

Jona 1:1 Iomraidhean Croise

2 Rapajko 14:25

Israelren Probhu Isor do acʼren guti Gat-Hepherren Amitaeren hopon Jona nạbi hotete oka kathae roṛletʼ ona katha lekage Jerobiam do Hamat ṭoṭha khon Araba doreão hạbicʼ Israelkoakʼ disạm reakʼ lahateakʼ simạna do arhõ acʼakʼ dokholreye ạgukeda.

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?

Jona 3:1

Probhu Isorakʼ katha do dosar dhao Jona ṭhen sodorena.

Mathae 16:4

Niạ bạṛicʼ ar laṭghaṭ piṛhiren hoṛge cinhạ doko ńam bakʼṛakana, menkhan Jona reakʼ chaḍa ar okaṭakʼ hõ onko do baṅ udukʼakoa.” Inạ tayom Jisu do onko bạgiyatʼkoteye calaoena.

Luk 11:32

Menkhan bicạr dinre Niniwi nagraharen hoṛko do beretʼkate niạ piṛhiren hoṛkoakʼ doskoko uduga, ente Niniwiren hoṛ do Jona nạbiyakʼ porcarte kại khon monko ạcurletʼtakoa; ar ńelpe, nonḍe do Jona khon hõ maraṅicʼ mitʼ hoṛ menaea.