Johan sodor 9:17 - সান্তালী বাইবেল

¹⁷ Dorsonte sadomko ar onko cetanreko decʼakan onkoakʼ koṛam reakʼ aḍokʼakʼ do seṅgel leka arakʼ, lil ar gondhok leka sasaṅ iń ńelketʼtakoa. Sadomkoakʼ bohokʼ do dhạcri kulakʼ bohokʼ leka ar onkoakʼ moca khon do seṅgel, dhũạ ar gondhok oḍokokʼkan tahẽkana.

Santali Common Language New Testament

¹⁷ Dorsonte sadomko ar onko cetanre decʼakanko onkoakʼ koṛam reakʼ aḍonakʼ do seṅgel leka arakʼ, lil ar gondhok leka sasaṅ iń ńelketʼtakoa. Sadomkoakʼ bohokʼ do dhạcri kulakʼ bohokʼ leka ar onkoakʼ moca khon do seṅgel, dhũạ ar gondhok oḍokokʼkan tahẽkana.

Johan sodor 9:17 Iomraidhean Croise

Genesis 19:24

Ona tayomge Probhu do sermaren Probhu Isor ṭhen khon Sodom ar Gomora cetanre gondhok ar seṅgel dakʼe jạ̃ṛĩkeda.

1 Bõsbudạ 12:8

Gadiạkoren thoṛa hoṛ do akoakʼ dol bạgikate hahaṅkar ṭoṭha reakʼ gạṛ lekanakʼ jaegare Dạud ṭhenko hecʼlena. Onko do lạṛhạiko cetʼakatʼ daṛean birko tahẽkana. Onko do ḍhal ar borlom ṭhik lekako calao daṛeakʼkan tahẽkana. Onkoakʼ mẽtʼãhã do dhạcri kul leka botorge tahẽkana ar birren jel leka onko do ạḍi murukko dạṛ daṛeakʼkan tahẽkana.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jeheskel 33:22

Uni hoṛ seṭerokʼ lahare ạyupʼ jokhecʼ Probhu Isorakʼ ti do iń cetanre tahẽkana ar setakʼ jokhecʼ iń ṭhene hijukʼ lahare Probhu Isor do ińakʼ mocae jhicʼketʼtińạ. Onate iń do katha roroṛiń ehopʼena, ar guṅgạ do bạń tahẽlena.

Daniel 8:2

Ona dorsonre iń do Elem Prodes reakʼ Susan gaṛiń ńelkeda. Ona dorson talare iń do Ulại gaḍa aṛereń tahẽkana.

Daniel 9:21

Iń do unreń koejoṅkan tahẽkana ar unre lahateakʼ dorsonre okoeyiń ńellede uni Gabriel goḍet do ạyupʼ reakʼ samaṅokʼ jokhecʼ iń ṭhen usạrateye uḍạu hecʼena.

Johan sodor 11:5

Jãhãe unkin hạ̃nkinko menkhan, enḍekhan unkinakʼ moca khon seṅgel oḍokokʼte bạirikin atar giḍikoa. Okoe unkin hạ̃nekin menjoṅ uni do onkage gujukʼ hoyokʼtaea.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Johan sodor 21:20

mõṛẽakʼ do boidurjo, turuiyakʼ do lalkanto, eaeakʼ do sornokanto, irạlakʼ do gomedok, areakʼ do podmorag, gelakʼ dolosunio, gelmitʼakʼ do peroj, ar gelbarakʼ do koṭahelage.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Johan sodor 9:18

Seṅgel, dhũạ ar gondhok, noa pea dukte manwa do pe hạṭiń reakʼ mitʼ hạṭińko gocʼ ocoyena.

Johan sodor 9:9

Onkoakʼ koṛamre mẽṛhẽtʼ reakʼ aḍokʼakʼ leka kicricʼ tahẽkana. Ar ạḍi utạr sadomko lạṛhại gạḍiko kamsao idiyetʼ reakʼ sabad leka, onkoakʼ phạ̃kṛạ̃kʼ reakʼ sabad hõ tahẽkana.