Johan sodor 9:14 - সান্তালী বাইবেল

¹⁴ “Okoe ponea goḍet maraṅ gaḍa Phurạt ṭhenko tolakan onko raṛakakome.”

Santali Common Language New Testament

¹⁴ “Okoe ponea goḍet maraṅ gaḍa Phurạt ṭhenko tolakan onko raṛakakome.”

Johan sodor 9:14 Iomraidhean Croise

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Genesis 2:14

Tesar gaḍa reakʼ ńutum do Hidekel. Noa do Ạsur disạm purub secʼte ạtu oḍok akana. Ar ponakʼ gaḍa reakʼ ńutum do Phurạt tahẽkana.

2 Samuel 8:3

Tayomte Sobaren raj Rehobren hopon Hadadeser do tinre phurạt gaḍa hạbicʼ arhõ ektiạri ńam ruạṛ lạgitʼe senena unre Dạud do uni sãoteye lạṛhạiyena.

Jirimiạ 51:63

Niạ puthi paṛhao sạtkate onare mitʼṭecʼ dhiri tolkate phurạt gaḍare giḍiyme.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Josuạ 1:4

Apeakʼ disạm do hahaṅkar khon Lebanon hạbicʼ ar purub reakʼ maraṅ gaḍa Uphreṭis hạbicʼ ar pạchim reakʼ maraṅ jalapuri hạbicʼ metakʼme Hittikoakʼ goṭa ṭoṭha.

Johan sodor 16:12

Ona tayom turuyicʼ serma goḍet do maraṅ gaḍa Phurạtre acʼakʼ bạṭi reakʼe dulkeda. Onate purub disạmren rapajkoakʼ calakʼ hor tearokʼ lạgitʼ ona gaḍa reakʼ dakʼ do ańjetʼena.

Johan sodor 7:1

Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre aloe hoe.

Johan sodor 7:2

Ona tayom mitʼṭen serma goḍet do purub secʼ khon rakapʼ hijukʼiń ńelkedea. Uni ṭhen do jiwetʼ Isorakʼ mohor chapakʼ tahẽkana. Ar okoe serma goḍetko do dhạrti ar jalapuri hạ̃n reakʼ ektiạriko emoco akan onko ponea serma goḍetko do ãṭ aṛaṅteye metatʼkoa,

Johan sodor 8:2

Ar okoe eae goṭen serma goḍetko Isor samaṅreko teṅgo akan tahenkan onkoń ńelketʼkoa. Onko do tire eae goṭecʼ siṅgạko ematʼkoa.

Johan sodor 8:6

Eae goṭen serma goḍetko ṭhen okaṭakʼ eae goṭecʼ siṅgạ tahẽkan, onko do ona oroṅ lạgitʼko sapṛaoena.

Johan sodor 9:15

Unre onko ponea goḍet doko raṛa ocoyena. Niạ bochor reakʼ niạ cando, niạ din ar niạ ghonṭa lạgitʼ onko goḍet doko sapṛao doho ocoakan tahẽkana jemon onko do pe hạṭiń reakʼ mitʼ hạṭiń manwako gocʼ daṛeako.