Johan sodor 8:8 - সান্তালী বাইবেল

⁸ Inạ tayom dosaricʼ serma goḍet do acʼakʼ siṅgại oroṅkeda. Unre mitʼṭecʼ jolokʼkan maraṅ buru leka mitʼṭecʼ jinis do jalapurire khadle ocoyena. Onate jalapuri reakʼ pe hạṭiń reakʼ mitʼ hạṭiń dakʼ do mãyãm cabayena,

Santali Common Language New Testament

⁸ Inạ tayom dosaricʼ serma goḍet acʼakʼ siṅgại oroṅkeda. Unre maraṅ jolokʼkan buru leka mitʼṭen jinis do jalapurire khadle ocoyena. Onate jalapuri reakʼ pe hạṭiń reakʼ mitʼ hạṭiń dakʼ do mãyãm cabayena,

Johan sodor 8:8 Iomraidhean Croise

Jirimiạ 51:25

Probhu Isore meneda, “E jarkharicʼ buru, am do goṭa dhạrtiren makʼraoicʼ kanam; iń do am upạrte minạńa. Iń do am upạrte ińakʼ tiyiń tiạra ar cạṭạni khoniń kunḍlạń ńurhạmea ar am do mitʼṭecʼ lo ceḍe buru lekań hoyocomea.

Jeheskel 14:9

“ ‘Ar uni nạbi jãhãnakʼe roṛ ruạṛae enḍekhan baḍaeme, iń Probhu Isorge roṛ ruạṛ emokʼ lạgitʼ uniń bulạu akadea. Ona tayom uni nạbi upạrte tiyiń tultińạ ar ińren hoṛ Israelko tala khoniń marao giḍikaea.

Amos 7:4

Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Sakariạ 13:8

Goṭa disạm reakʼ pe hạṭiń reakʼ bar hạṭińren hoṛ doko gocʼ ocokʼa, menkhan iń Probhu Isorgeń meneda, ona modre pe hạṭiń do jiwetʼko tahena.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Mark 11:23

Sạrigeń metapekana, jãhãege begor digdhạte noa burui metakʼ, ‘nonḍe khon uṭhạukʼte jalapurire khadlekʼme,’ are pạtiạukʼ baṅma, okae menetʼ ona do hoyokʼa mente, enḍekhan uni lạgitʼ do hoyokʼgea.

Johan sodor 11:6

Nukin hoṛ tinạkʼ din kin nạbiya unạkʼ din jemon aloe dag onate serma siń lạgitʼ ektiạri tahen tạkina. Ar dakʼ mãyãm ocoy ar tinạkʼ dhao sanakin unạkʼ dhao jãhãn dukte dhạrti hạ̃n reakʼ ektiạri hõ tahen tạkina.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Johan sodor 8:7

Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko do lo roṅgoyena.

Johan sodor 9:15

Unre onko ponea goḍet doko raṛa ocoyena. Niạ bochor reakʼ niạ cando, niạ din ar niạ ghonṭa lạgitʼ onko goḍet doko sapṛao doho ocoakan tahẽkana jemon onko do pe hạṭiń reakʼ mitʼ hạṭiń manwako gocʼ daṛeako.

Johan sodor 9:18

Seṅgel, dhũạ ar gondhok, noa pea dukte manwa do pe hạṭiń reakʼ mitʼ hạṭińko gocʼ ocoyena.