Johan sodor 8:7 - সান্তালী বাইবেল

⁷ Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko do lo roṅgoyena.

Santali Common Language New Testament

⁷ Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko lo roṅgoyena.

Johan sodor 8:7 Iomraidhean Croise

Sereńko 105:32

Uni do dakʼ lekage onko cetanre arele ńur ocokeda, ar goṭa disạmre bijli malkaokʼ ehopʼena.

Exodus 9:33

Ona tayom Mose do Pharao ṭhen khone oḍok senena. Ar nagraha khon oḍok kate uni do Probhu Isor ṭhen ti tulkateye koekeda. Unre rimil saḍe ar arel ńurokʼ thirena. Ar dakʼ ńurokʼ hõ thirena.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jesaea 32:19

Arelte bir do chaka chunokʼa ar nagraha do otre mitʼ são utạrokʼa.

Jeheskel 38:22

Iń do mahamạri ar mãyãmte Gogiń sạjạiyea; botoranakʼ dakʼ, arel ar jolokʼkan gondhok do uni cetanre, ar uniren lạṛhại phạdko cetanre ar uni soṅgeten sanam jạtrenko cetanreń upʼ gotʼkakʼa.

Joel 2:30

Iń do serma ar otre hahaṛawakʼ ghoṭnakoń uduga, metakʼme mãyãm, seṅgel ar ḍher dhũạgeń uduga.

Jakob 1:11

Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

1 Patras 1:24

Sonot sostorre ol menakʼa, manwako do ghãs leka kanako, ar ghãs reakʼ bahako lekage onkoakʼ sanam ṭhonoktetʼ hõ; ente ghãs do rohoṛokʼa, ar baha do ńurokʼa,

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Johan sodor 16:2

Unre pạhilicʼ serma goḍet do senkate acʼakʼ bạṭi dhạrtireye dulkeda. Onate okoere uni janwarakʼ cinhạ tahẽkan ar okoe do uniyakʼ muṭhạnko sewawakʼkan tahẽkan onkoakʼ hoṛmore ạḍi bạṛicʼ ar dạrun ghao ńamketʼkoa.

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniyakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, mahamạrite, ar dhạrtiren bir janwarko hotete hoṛkokin gocʼko.

Johan sodor 7:1

Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre aloe hoe.

Johan sodor 9:15

Unre onko ponea goḍet doko raṛa ocoyena. Niạ bochor reakʼ niạ cando, niạ din ar niạ ghonṭa lạgitʼ onko goḍet doko sapṛao doho ocoakan tahẽkana jemon onko do pe hạṭiń reakʼ mitʼ hạṭiń manwako gocʼ daṛeako.

Johan sodor 9:18

Seṅgel, dhũạ ar gondhok, noa pea dukte manwa do pe hạṭiń reakʼ mitʼ hạṭińko gocʼ ocoyena.

Johan sodor 9:4

Arko menocoyena dhạrti reakʼ ghãs se hạriạṛ jãhãnakʼ se jãhãn dareko alo jemonko nosṭoe; eken okoe hoṛkoakʼ moloṅre Isorakʼ mohor chap bạnukʼtako onkoko hạ̃nko.