Johan sodor 8:3 - সান্তালী বাইবেল

³ Inạ tayom ar mitʼṭen serma goḍet hecʼkate pinḍ samaṅreye teṅgoyena. Uniyakʼ tire do sona reakʼ mitʼṭecʼ dhup dạni tahẽkana. Uni do ạḍi utạr dhupko emadea jemon siṅghạson samaṅre sona reakʼ pinḍre Isorren sanam hoṛkoakʼ koejoṅ sãote ona dhup jeretʼkateye samaṅ daṛeakʼ.

Santali Common Language New Testament

³ Inạ tayom ar mitʼṭen serma goḍet hecʼkate pinḍ samaṅreye teṅgoyena. Uniakʼ tire do sona reakʼ mitʼṭen dhup dani tahẽkana. Uni do ạḍi utạr dhupko emadea jemon siṅghạson samaṅre sona reakʼ pinḍre Isorren sanam hoṛkoakʼ koejoṅ sãote ona dhup jeretʼkateye samaṅ daṛeakʼ.

Johan sodor 8:3 Iomraidhean Croise

1 Rapajko 7:50

khạṭi sona reakʼ bạṭiko, sultạ saphae reakʼ cimṭạko, bạṭiko, kạ̃ṛchuko ar seṅgel aṅgra dohoy reakʼ celaṅko ar bhitri kandha reakʼ, metakʼme sonot utạrakʼ duạr lạgitʼ ar mundil oṛakʼ reakʼ maraṅ kandha reakʼ duạr lạgitʼ sona reakʼ kobjako.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Exodus 40:26

Orwal samaṅre ona ńapamokʼ tạmbu bhitrire uni do sona reakʼ pinḍe dohokeda ar Probhu Isorakʼ hukum leka ona cetanre mońj so dhupe jeretʼkeda.

Jesaea 6:6

Unre mitʼṭen Seraphimko modren mitʼṭen do acʼakʼ tite mitʼṭecʼ jolokʼkan aṅgra sapʼkate iń ṭhene uḍạu hecʼena; ona aṅgra do pinḍ khon cimṭạteye halaṅleda.

Jeheskel 41:22

Tala kandhare pe moka usul, bar moka jeleń ar bar moka osar kaṭ reakʼ mitʼṭecʼ pinḍ tahẽkana ar noa reakʼ ponon kona, rehetʼ ar beṛhaete do kaṭ reakʼge tahẽkana; uni do arhõe menkeda, “Noa do hoyokʼkana ona ṭebil oka do Probhu Isor samaṅre tahenkan.”

Amos 9:1

Probhu Isor do pinḍ aṛere teṅgo akaniń ńelkedea. Uniye metadińa, “Khunṭi chatnako kuṭạmme jemon duạr saṅgako daldalaokʼte sanam hoṛkoakʼ bohokʼ cetanre rạputʼ ńurokʼ. Okoe jiwetʼko tahen onko do tarwaṛeteń gocʼkoa. Onko do celege bako ńir phoṛokʼa ar celege bako dạṛ paskaokʼa.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Numeri 4:11

Sona reakʼ pinḍ cetanre mitʼṭecʼ nil roṅakʼ kicricʼ aṭetʼkate onko do takhas (susuk) hartateko poṭomkakʼa ar pinḍ reakʼ ḍaṅkin hõ ṭhik jaegare hurạṛkakʼa.

Numeri 7:62

dhupte perecʼ mitʼsae gram ojon sona reakʼ mitʼṭecʼ thạri;

Luk 1:10

Ar uni dhupe jered oktere bahrere do ạḍi utạr hoṛko koejoṅkan tahẽkana.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.

Johan sodor 10:1

Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilteye oyo akan, ar bohokʼre do liṭạ akʼ tahẽkantaea. Uniyakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Johan sodor 14:18

Ona tayom pinḍ khon ar mitʼṭen serma goḍete oḍok hecʼena. Uni do seṅgel cetanre ektiạri tahẽkantaea. Ar okoe serma goḍet ṭhen laser datrom tahẽkan uni serma goḍet do ãṭ aṛaṅte hohowadeteye metadea, “Amakʼ laser datrom calaotam ar dhạrti reakʼ darkha nạ̃ṛĩ khon darkha thoka gedme, ente darkha jo do bele akana.”

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

Johan sodor 6:9

Ar mõṛẽakʼ mohor chape raṛayetʼ tahẽkanre iń do pinḍ latarre nonkan hoṛkoakʼ jiwikoń ńelkeda, one okoe do Isorakʼ katha ar goha iạteko gocʼ ocolen tahẽkan.

Johan sodor 7:2

Ona tayom mitʼṭen serma goḍet do purub secʼ khon rakapʼ hijukʼiń ńelkedea. Uni ṭhen do jiwetʼ Isorakʼ mohor chapakʼ tahẽkana. Ar okoe serma goḍetko do dhạrti ar jalapuri hạ̃n reakʼ ektiạriko emoco akan onko ponea serma goḍetko do ãṭ aṛaṅteye metatʼkoa,

Johan sodor 8:4

Ar uni serma goḍetakʼ ti khon dhup reakʼ dhũạ do Isorren hoṛkoakʼ koejoṅ sãote coṭte Isor samaṅre rakapʼena.

Johan sodor 8:5

Unre serma goḍet do pinḍ khon seṅgel hataokate ona dhup dạniye perecʼkeda ar dhạrtiteye lebda giḍikada. Onate huḍur ar eṭakʼakʼ botoranakʼ saḍe leka saḍeyena, ar bijli malkaoena ar dhạrti laṛaoena.

Johan sodor 9:13

Ona tayom turuyicʼ serma goḍet do acʼakʼ siṅgại oroṅkeda. Ar Isor samaṅre okaṭakʼ sona reakʼ pinḍ menakʼ ona pinḍ reakʼ ponea dereń khon mitʼṭen hoṛ do katha roroṛiń ańjomkedea. Okoe ṭhen siṅgạ tahẽkan, uni turuyicʼ serma goḍete metadea,