Johan sodor 7:3 - সান্তালী বাইবেল

³ “Aboren Isorren golamkoakʼ moloṅre mohor chap ạuri emako hạbicʼ dhạrti, jalapuri ar dareko do alope hạ̃na.”

Santali Common Language New Testament

³ “Aboren Isorren golamkoakʼ moloṅre mohor chap ạuri emako hạbicʼ dhạrti, jalapuri ar dareko do alope hạna.”

Johan sodor 7:3 Iomraidhean Croise

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Exodus 12:23

Misriko ńẽtʼko jokhecʼ Probhu Isor do tinre Misor disạm talateye parom calakʼa ar unre apeakʼ duạr cạukạṭ reakʼ mãyãme ńelle khan uni do ona oṛakʼe bạgi oṭowakʼ are laha calakʼa. Ar okoe noa ḍahao marao reakʼ kạmiye kạmi uni do apeakʼ oṛakʼre bae bolo ocoaea.

Jesaea 27:8

Uni do bicạrkateye oḍok giḍi akadea, menkhan bạ̃ṛti sạjại do bae em akawadea; purub reakʼ hoe leka uni doe oṭaṅ idiakadea.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Jesaea 65:8

Probhu Isore meneda, “Darkha jo reakʼ thopare rasa menakʼa ńelte cetʼleka hoṛko men, ‘alom nosṭoea, ńithõ onare bhageakʼ menakʼa,’ onkage ińren gutiko modre joto do bạń maraokoa.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Jeheskel 9:6

Haṛamko, juạnko, juạniko, maejiuko, ar kạṭicʼ gidrạko jotope gocʼkoa, menkhan okoekoakʼ moloṅre cinhạ menakʼ onko do alope joṭetʼkoa. Mundil khonge ona do ehobpe.” Onate onko do mundil samaṅre okoe murubbiko tahẽkan onko hoteteko ehopʼkeda.

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Daniel 3:26

Unre Nebukadnesar do jolokʼkan bhaṭa reakʼ duạr ṭhen senkate ãṭ aṛaṅteye menkeda, “E maraṅ Isorren guti Sedrok, Mesak ar Abed-nego, dela oḍok hijukʼpe.” Ar onate Sedrok, Mesak ar Abed-nego do jolokʼkan seṅgel tala khonko oḍok hecʼena.

Daniel 6:16

Sesre raj doe hukumkeda ar hoṛ do senkate Danielko sapʼkedea ar dhạcri kulakʼ khandṛaṅreko khadlekedea. Unre raj do Daniele metadea, “Jaoge amren okoeṭakʼ Isorem sewawae kan unige am doe rukhiyạmema.”

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭo ocoya.

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 3:33

Okoe uniyakʼ gohae aṅgoc akatʼ uni do ona hotetegeye sodoreda je, Isor okae men ona do sạrikana mente.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Johan sodor 13:16

Uni do kạṭicʼ lạṭu, reṅgecʼ kisạ̃ṛ, sạdhinko ar golamko, sanamko jojom tire baṅkhan moloṅre mitʼṭecʼ cinhại hatao ocoketʼkoa.

Johan sodor 13:17

Onate ona cinhạ metakʼme uniyakʼ ńutum se cinhạ chaḍa okoe hõ cetʼge bako kiriń ạkhriń daṛeada. Ona cinhạ do hoyokʼ kana uni janwarakʼ ńutum se uniyakʼ ńutum reakʼ lekha.

Johan sodor 14:1

Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Johan sodor 14:9

Inạ tayom tesaricʼ ar mitʼṭen serma goḍet do onko tayom tayomte hecʼkate ãṭ aṛaṅteye menkeda, “Jãhãege uni janwar ar uniyakʼ muṭhạne sewawakʼ ar uniyakʼ cinhạ cạndire se tireye hatao,

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 22:4

Onko do uniyakʼ mẽtʼãhãko ńeltaea ar uniyakʼ ńutum do onkoakʼ moloṅre ol tahena.

Johan sodor 6:6

Onko ponea jiwiyanko talare okoe coṅ roroṛkaniń ańjomkedea, “Mitʼṭen din ṭalaoicʼakʼ mitʼ din reakʼ kuṛại do eken mitʼ ser guhum se pe ser jao hoyokʼtaea. Sunum ar darkha rasa do alom nosṭoea.”

Johan sodor 7:1

Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre aloe hoe.

Johan sodor 7:2

Ona tayom mitʼṭen serma goḍet do purub secʼ khon rakapʼ hijukʼiń ńelkedea. Uni ṭhen do jiwetʼ Isorakʼ mohor chapakʼ tahẽkana. Ar okoe serma goḍetko do dhạrti ar jalapuri hạ̃n reakʼ ektiạriko emoco akan onko ponea serma goḍetko do ãṭ aṛaṅteye metatʼkoa,

Johan sodor 9:4

Arko menocoyena dhạrti reakʼ ghãs se hạriạṛ jãhãnakʼ se jãhãn dareko alo jemonko nosṭoe; eken okoe hoṛkoakʼ moloṅre Isorakʼ mohor chap bạnukʼtako onkoko hạ̃nko.