Johan sodor 7:16 - সান্তালী বাইবেল

¹⁶ Noko do ar baṅ reṅgecʼkoa, baṅ tetaṅkoa; siń cando reakʼ dãk hõ hoṛmore baṅ paṛao akoa, ar bebạṛicʼ lolo hõ bako ạikạua,

Santali Common Language New Testament

¹⁶ Noko do ar baṅ reṅgecʼkoa, baṅ tetaṅkoa; siń cando reakʼ dãk hõ hoṛmore baṅ paṛao akoa, ar bebạṛicʼ lolo hõ bako ạikạua,

Johan sodor 7:16 Iomraidhean Croise

Sereńko 121:5

Probhu Isorge amren rurukhiyạyicʼ; Probhu Isorge amakʼ jojom ti secʼ reakʼ umul do.

Sereńko 121:6

Sińre do siń cando ar ńindạ do ńindạ cando unkin do jãhãnakʼ bạkin hạnmea.

Sereńko 143:6

Iń do am secʼ tiyiń tiyạretʼtińạ; khaṅgoṭ ot leka ińakʼ jiwi do amre tetaṅokʼ kana.

Sereńko 42:2

Isor lạgitʼ, jiwetʼ Isor lạgitʼge ińakʼ jiwire tetaṅedeń kana; tinre iń do uni samaṅre senkateń teṅgona?

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Soros sereń 1:6

Ińiń hendegete nonka do alope koyokʼạńạ, ente siń candogeye jharkao akadińạ. Ińren boehako do ińreko edre akante darkha bagwan horhoyicʼ menteko dohokadińa, onate ińakʼ darkha bagwan do bạń joton akada.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 41:17

“Reṅgecʼ ar nacarko do dakʼ reakʼko ńam baṛayeda, menkhan bako ńameda; tetaṅte alaṅ do sạkitʼ caba akantakoa. Menkhan iń Probhu Isorge onkoń roṛ ruạṛakoa; iń Israelren Isor do onko bạń bạgi giḍikoa.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Jesaea 65:13

Onatege Probhu Isor doe meneda, ‘ińren golam doko joma, menkhan ape do reṅgecʼtepe gujukʼa; ińren golamko do dakʼko ńũiya, menkhan ape do tetaṅpea; ińren golam doko rạskạkʼa, menkhan ape dope lajao ocokʼa.

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Mathae 13:21

menkhan onkore mońjte baṅ rehedokʼkante thoṛa ghuṛi lạgitʼko ṭarhao tahen kana. Ar ona katha khạtirte tinre santao ar khedreko paṛaokʼkana unre onko doko pạcokʼkana.

Mathae 13:6

menkhan siń candoe rakapʼen khan ona do tolmocʼ cabayena ar mońjte rehetʼ baṅ bạisạulente rohoṛ kạrcupʼena.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Mark 4:17

menkhan onkore mońjte rehetʼ baṅ bạisạukʼkante eken thoṛa din lạgitʼko ṭarhao tahenkana. Ente ona katha khạtirte tinre santao ar khedreko paṛaokʼkana unre onko doko pạcokʼkana.

Mark 4:6

Ado siń candoe rakapʼen khan onako do tolmocʼ cabayena ar mońjte baṅ rehetʼlente rohoṛ kạrcupʼena.

Luk 1:53

Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Luk 6:21

Bhạgangeape, ape okoe ńitokʼ reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Jakob 1:11

Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”