Johan sodor 7:14 - সান্তালী বাইবেল

¹⁴ Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Santali Common Language New Testament

¹⁴ Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Johan sodor 7:14 Iomraidhean Croise

Jobakʼ 11:16

Unre amakʼ kosṭo khạṭigem hiṛińa, ona do ạtukʼkan dakʼ lekagem hudisa.

Exodus 37:3

Ar chańchre dulkate ponea sona reakʼ kạṛiye benao ocokeda ar ona ponea kuṭhạ reakʼ banarsa aṛere bareakate kạṛiye lagaoada.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 7:16

Okoe onḍeko teṅgo akan tahẽkan iń do onko mitʼ hoṛ ṭhen senkate noako reakʼ manetetʼ iń kuliyana. Unre uni do noa menkate onako reakʼ bhede bhaṅgaoạdińa,

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Mathae 24:21

Unre nunạkʼ bạṛicʼ kosṭo hoyokʼa one oka do dhạrti etohopʼ khon ńit hạbicʼ baṅ hoyakan ar tisge baṅ hoyokʼa.

Mark 13:19

ente unre nonkan santaoko hoyokʼa one oka do dhạrti sirjạu khon ńit hạbicʼ baṅ hoyakan ar ona tayom do ar baṅ hoyokʼa.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Romiko lạgitʼ Pạul Apostolakʼ ciṭhi 5:3

Eken ona do baṅ, harkhet sasetre hõ bon rạskạkʼ kana, ente bon baḍaea harkhet saset reakʼ jo do soboriye hoeocoya,

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

2 Thessalonikiko 1:4

Ar onatege Isorakʼ manḍerkore ale do ape iạtele sarhaokʼkana, ente okako khed ar duk sasetpe sahaoetʼkan ona talare hõ apeakʼ sombhuri ar pạtiạu do ṭarhao menakʼa.

Ibriko 13:12

Onkage Jisu hõ Jerusalem nagraha bahrere duk jomkateye gocʼlena, jemon acʼakʼ mãyãm hotete manwako kại khone chaḍaoko.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Johan sodor 15:2

Ona tayom iń do seṅgel mesal akatʼ mitʼṭecʼ kãc reakʼ jalapuri lekań ńelkeda. Okoe uni janwar ar uniyakʼ muṭhạn ar uniyakʼ ńutum reakʼ lekha cetanreko jitạu akan onko hõń ńelketʼkoa. Isorakʼ peṛesaṅ tire sepeńkate onko do ona kãc reakʼ jalapuri aṛereko teṅgo akan tahẽkana.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Johan sodor 7:9

Inạ tayom sanam jạtrenko, bõsrenko, disạmrenko ar pạrsirenko modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.