Johan sodor 6:5 - সান্তালী বাইবেল

⁵ Bheḍa Hopon do tesarakʼ mohor chape raṛayetʼ tahẽkanre tesaricʼ jiwiyanicʼ roroṛkaniń ańjomkedea, “Dela hijukʼme.” Ona tayom iń do mitʼṭen hende sadomiń ńel ńamkedea. Ar okoe uni sadomreye decʼakan tahẽkan uniyakʼ tire do mitʼṭen tulạ tahẽkana.

Santali Common Language New Testament

⁵ Bheḍa Hopon do tesarakʼ mohor chape raṛayetʼ tahẽkanre tesaricʼ jiwiyanicʼ roroṛkaniń ańjomkedea, “Dela hijukʼme.” Ona tayom iń do mitʼṭen hende sadomiń ńel ńamkedea. Ar okoe uni sadomreye decʼakan tahẽkan uniakʼ tire do mitʼṭen tulạ tahẽkana.

Johan sodor 6:5 Iomraidhean Croise

Rak̕joṅ 5:10

Aleakʼ harta do bhaṭa leka dhipạu akana; reṅgecʼ reakʼ jaljalao iạte.

Jeheskel 4:10

Din hilokʼ soṅkate barsae pongel gram jomakʼ do enhilokʼge mitʼ domem joma.

Jeheskel 4:16

Ona tayom uni do ińe metadińạ, “E manwa hopon, iń do Jerusalemre jom reakʼ jogao doń bonda. Hoṛko do dạndikate tulạkate jomakʼko joma ar dakʼ do tharbasaoate soṅkateko ńũiya,

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Sakariạ 6:2

Pạhilakʼ rãt gạḍire do jotoge arakʼ sadomko tahẽkana ar dosarakʼ rãt gạḍire do jotoge hende sadomko tahẽkana.

Sakariạ 6:6

Hende sadomkoakʼ rãt gạḍi do utạr disạm secʼ calakʼkana, ar ponḍ sadomkoakʼ rãt gạḍi do pạchim secʼ ar nana parkan roṅan sadomkoakʼ rãt gạḍi do dạkhin secʼ calakʼkan tahẽkana.”

Mathae 24:7

Mitʼ jạtrenko do eṭakʼ jạtrenko upạrte ar mitʼ rajosṭi do eṭakʼ rajosṭi upạrteko lạṛhạiya. Jaega jaegakore akal hoyokʼa ar dhạrti laṛaokʼa.

Johan sodor 5:5

Tayomte murubbiko modren mitʼ hoṛe metadińạ, “Alom raga. Jihudạ bõsren dhạcri kul, one okoe doe Dạud bõsren kan, uni doe jitạu akana. Unige ona eae goṭecʼ mohor chapko raṛakate puthiye oṭakʼ daṛeakʼa.”

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Johan sodor 6:1

Bheḍa Hopon do ona eae goṭecʼ mohor chapko reakʼ pạhilakʼe raṛaketʼ khan iń ńelkeda; onko ponea jiwiyanko modren mitʼṭen do huḍur reakʼ aṛaṅ leka roroṛkaniń ańjomkedea, “Dela hijukʼme.” Unre iń do mitʼṭen ponḍ sadomiń ńelkedea.