Johan sodor 6:17 - সান্তালী বাইবেল

¹⁷ ente unkinakʼ edre sodorokʼ reakʼ ona maraṅ din do seṭer akana, ar uni samaṅre do okoeye teṅgo ṭarhao daṛekokʼa?”

Santali Common Language New Testament

¹⁷ ente unkinakʼ edre sodor reakʼ ona maraṅ din do seṭerakana, ar uni samaṅre do okoeye teṅgo ṭarhao daṛekokʼa?”

Johan sodor 6:17 Iomraidhean Croise

Sereńko 110:5

Probhu Isor do amakʼ jojomsa aṛere menaea; uniyakʼ edre hilokʼ do rajkoe caba utạrkoa.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Jesaea 63:4

Ńitokʼ do chakʼḍao reakʼ okte hecʼakana; ar hala hạli reakʼ oka okteń ṭhik dohoakatʼ ona hõ hecʼ seṭerena.

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Jihudạwakʼ ciṭhi 1:6

Ona chaḍa okoe serma goḍetko do akoakʼ ạidạri rukhiyạ baṅkate apnarakʼ jaega bạgikateko calaolen onkoakʼ katha disạipe. Ona maraṅ din reakʼ bicạr lạgitʼ Isor do onko jaejug ńutreye tol doho akatʼkoa.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.

1 Samuel 6:20

Onkoko menkeda, “Nui sonot Probhu Isor samaṅre do okoeye ṭikạu tahẽdaṛeakʼa? Ńit khon uni ṭhen do okoeye kol ocokʼa?”