Johan sodor 5:10 - সান্তালী বাইবেল

¹⁰ Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

Santali Common Language New Testament

¹⁰ Am do onko hotete mitʼṭen rajosṭim benao akada ar aboren Isorakʼ sewae lạgitʼ naekekom hoe ocoketʼkoa. Dhạrtire onkoge rajosṭiko calaoa.”

Johan sodor 5:10 Iomraidhean Croise

Exodus 19:6

Ińren hoṛko hotetege ińren naekekoakʼ rajosṭi do hoyokʼa ar noko jạtrenkoge iń ńutumteń begar akatʼko jạtrenko hoyokʼa. Noa katha do Israelkom baḍae ocokoa.”

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 20:6

Menkhan ona hajar bochor ạuri purạukʼ hạbicʼ sarecʼ akan gocʼ hoṛ do bako jiwetʼlena.

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.