Johan sodor 4:7 - সান্তালী বাইবেল

⁷ Pạhil jiwiyanicʼakʼ rup do dhạcri kul leka, dosaricʼ do bạchur leka, tesaricʼ do manwa leka ar ponicʼ do uḍạukʼkan pajhaṛ cẽṛẽ leka.

Santali Common Language New Testament

⁷ Pạhil jiwiyanicʼakʼ rup do dhạcri kul leka, dosaricʼ do bạchur leka, tesaricʼ do manwa leka ar ponicʼ do uḍạukʼkan pajhaṛ cẽṛẽ leka.

Johan sodor 4:7 Iomraidhean Croise

Genesis 49:9

E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

Kạhtukko 28:2

Disạmren hoṛkoakʼ ghạṭ iạte onaren aema cạlạuakoko hoyokʼa, menkhan ạkilan ar budan cạlạuako hotetege disạm reakʼ kajaktetʼ do tahena.

Jesaea 40:31

menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Jeheskel 1:10

Onkoakʼ mẽtʼãhã reakʼ muṭhạn do manwa muṭhạn lekage tahẽkana ar onko mimitʼkoakʼ jojomsa aṛe reakʼ muṭhạn do dhạcri kulakʼ mẽtʼãhã leka, ar leṅga secʼakʼ muṭhạn do ḍaṅgra mẽtʼãhã leka ar mitʼṭenkate pajhạṛ cẽṛẽyakʼ mẽtʼãhã leka hõ tahẽkantakoa.

Jeheskel 1:8

Onkoakʼ beṛhaeteakʼ phạ̃kṛạ̃kʼ latarre do manwa tige tahẽkana. Onko mimitʼko do mẽtʼãhã ar phạ̃kṛạ̃kʼ tahẽkantakoa,

Jeheskel 10:14

Onko mimitʼkoakʼ do poneakate mẽtʼãhã tahẽkana, pạhilakʼ do Kerub leka, dosarakʼ do manwa leka, tesarakʼ do dhạcri kul leka ar ponakʼ do pajhaṛ leka.

Jeheskel 10:21

Onko mimitʼkoakʼ do poneakate mẽtʼãhã ar poneakate phạ̃kṛạ̃kʼ tahẽkana ar onkoakʼ phạ̃kṛạ̃kʼ latarre do manwa ti leka tahẽkana.

Daniel 7:4

Pạhilicʼ doe tahẽkana dhạcri kul leka ar uniyakʼ do cẽṛẽ leka phạ̃kṛạ̃kʼ tahẽkantaea. Ar ńel ńeltege uniyakʼ phạ̃kṛạ̃kʼkin do or chaḍaoena ar uni do ot khon cetanteye rakapʼ ocoyena. Unre uni do manwa leka banar jaṅgateye teṅgoyena ar manwawakʼ ontore emocoyena.

Obodiạ 1:4

Am do pajhaṛ cẽṛẽ leka coṭrem ạphir baṛaekanre hõ ar ipilko talare oṛakʼem benaojoṅkanre hõ iń do onḍe khoniń or pheḍ ạgumea. Iń Probhu Isorge noa katha doń meneda.

Numeri 23:24

Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

1 Korinthiko 14:20

E boehako, bujre gidrạko leka do alope hoyokʼa. Ar bạṛicʼakʼre apeakʼ mon do huḍiń gidrạko leka hoyokʼtape ma, menkhan bujre do sẽṛã hoṛ lekankoge hoyokʼpe.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Johan sodor 4:6

Ona siṅghạson samaṅre dhiri hisir leka kãc reakʼ jalapuri tahẽkana. Ona siṅghạsonko reakʼ talare menakʼ siṅghạson reakʼ beṛhaete ponea jiwiyanko tahẽkana. Onkoakʼ do samaṅ secʼ ar tayom secʼ mẽtʼkote perecʼ tahẽkantakoa.

Johan sodor 6:3

Bheḍa Hopon do dosarakʼ mohor chape raṛayetʼ tahẽkanre iń do dosaricʼ jiwiyanicʼ roroṛkaniń ańjomkedea, “Dela hijukʼme.”

Johan sodor 6:5

Bheḍa Hopon do tesarakʼ mohor chape raṛayetʼ tahẽkanre tesaricʼ jiwiyanicʼ roroṛkaniń ańjomkedea, “Dela hijukʼme.” Ona tayom iń do mitʼṭen hende sadomiń ńel ńamkedea. Ar okoe uni sadomreye decʼakan tahẽkan uniyakʼ tire do mitʼṭen tulạ tahẽkana.

Johan sodor 6:7

Bheḍa Hopon do ponakʼ mohor chape raṛaketʼ khan ponicʼ jiwiyanicʼ roroṛkaniń ańjomkedea, “Dela hijukʼme.”