Johan sodor 4:6 - সান্তালী বাইবেল

⁶ Ona siṅghạson samaṅre dhiri hisir leka kãc reakʼ jalapuri tahẽkana. Ona siṅghạsonko reakʼ talare menakʼ siṅghạson reakʼ beṛhaete ponea jiwiyanko tahẽkana. Onkoakʼ do samaṅ secʼ ar tayom secʼ mẽtʼkote perecʼ tahẽkantakoa.

Santali Common Language New Testament

⁶ Ona siṅghạson samaṅre dhiri hisir leka kãc reakʼ jalapuri tahẽkana. Ona siṅghạsonko reakʼ talare menakʼ siṅghạson reakʼ beṛhaete ponea jiwiyanko tahẽkana. Onkoakʼ do samaṅ secʼ ar tayom secʼ mẽtʼkote perecʼ tahẽkana.

Johan sodor 4:6 Iomraidhean Croise

1 Rapajko 7:23

Ona tayom Hirạm do pitạl reakʼ chãńcreye dulketʼte dakʼ dohoy lạgitʼ maraṅ okocʼ mitʼṭecʼ gulạnḍge karaheye benao ocokeda, ona karahe reakʼ kaṅkha khon kaṅkha hạbicʼ jokha do gel moka tahẽkana, khạndri do mõṛẽ moka, ar kaṅkha beṛhaeteakʼ jokha do pegel moka tahẽkana.

Jobakʼ 28:17

Sona se damanakʼ kãcte hõ baṅ somanokʼa, nirạ sona reakʼ bhajan bodolte hõ ona do baṅ ńamokʼa.

Exodus 38:8

Uni do pitạl reakʼ mitʼṭecʼ bhajane benaokeda. Ar okoeko maejiu sapʼdapʼ kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onkoakʼ pitạl reakʼ ạrsite ona bhajan ar ona reakʼ ganḍokoe benaokeda.

Jeheskel 10:12

Onkoakʼ ponea pạihạ̃re, goṭa hoṛmore, deare, tire ar phạ̃kṛạ̃kʼko beṛhaete do mẽtʼkote perecʼ tahẽkana.

Jeheskel 10:14

Onko mimitʼkoakʼ do poneakate mẽtʼãhã tahẽkana, pạhilakʼ do Kerub leka, dosarakʼ do manwa leka, tesarakʼ do dhạcri kul leka ar ponakʼ do pajhaṛ leka.

Johan sodor 14:3

Ona siṅghạson ar onko ponea jiwiyanko ar onko mukhiyạko samaṅre onko do mitʼṭecʼ nãwã sereńko sereńkeda. Menkhan okoe hõ ona sereń do bako cetʼdaṛeada; eken onko mitʼ sae pongel pon hajar hoṛko cetʼdaṛeada okoe do dhạrtiren hoṛko khonko kiriń ocolen.

Johan sodor 15:2

Ona tayom iń do seṅgel mesal akatʼ mitʼṭecʼ kãc reakʼ jalapuri lekań ńelkeda. Okoe uni janwar ar uniyakʼ muṭhạn ar uniyakʼ ńutum reakʼ lekha cetanreko jitạu akan onko hõń ńelketʼkoa. Isorakʼ peṛesaṅ tire sepeńkate onko do ona kãc reakʼ jalapuri aṛereko teṅgo akan tahẽkana.

Johan sodor 15:7

Onko ponea jiwiyankoren mitʼṭen do onko eae goṭen serma goḍetko eae goṭecʼ bạṭiye ematʼkoa. Ar Isor, okoe do jug jug khon jaejug hạbicʼ jiwetʼ menae, uniyakʼ edrete onako bạṭi do perecʼ akan tahẽkana.

Johan sodor 19:4

Isor, okoe do siṅghạsonreye duṛupʼ akan uni do onko bargel pon mukhiyạ ar onko ponea jiwiyanko do ombakʼkate sewawadeteko menkeda, “Amen. Halleluyah!”

Johan sodor 21:11

Ona nagraha reakʼ marsal do ạḍi damanakʼ dhiri reakʼ marsal leka, ar surjokanto mạnik dhiri lekage.

Johan sodor 21:18

Ona pạcri do surjokanto mạnik dhirite gathao akan tahẽkana ar nagraha do nirola kãc lekanakʼ khạṭi sonate benao tahẽkana.

Johan sodor 21:21

Ona gelbar duạrre gelbar goṭecʼ muti tahẽkana. Mimitʼ duạr do mimitʼ goṭecʼ mutite tear akan tahẽkana. Ar nagraha reakʼ kulhi do sapha kãc leka khạṭi sonate tear tahẽkana.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubbiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.

Johan sodor 5:11

Tayomteń ńelkeda; ona singhạson ar jiwiyanko ar murubbiko beṛhaete aema serma goḍetkoakʼ aṛaṅ iń ańjomkeda. Onko serma goḍetko do lekhare hajar hajar, ar ojut ojutko tahẽkana.

Johan sodor 5:14

Onko ponea jiwiyankoko menkeda, “Amen.” Ona tayom onko murubbiko do ombakʼkateko sewakeda.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

Johan sodor 6:1

Bheḍa Hopon do ona eae goṭecʼ mohor chapko reakʼ pạhilakʼe raṛaketʼ khan iń ńelkeda; onko ponea jiwiyanko modren mitʼṭen do huḍur reakʼ aṛaṅ leka roroṛkaniń ańjomkedea, “Dela hijukʼme.” Unre iń do mitʼṭen ponḍ sadomiń ńelkedea.

Johan sodor 6:6

Onko ponea jiwiyanko talare okoe coṅ roroṛkaniń ańjomkedea, “Mitʼṭen din ṭalaoicʼakʼ mitʼ din reakʼ kuṛại do eken mitʼ ser guhum se pe ser jao hoyokʼtaea. Sunum ar darkha rasa do alom nosṭoea.”

Johan sodor 7:11

Ona tayom sermaren goḍetko do sanamkoge ona siṅghạsonren, mukhiyạko ar ponea jiwiyanko beṛhaeteko teṅgoyena. Onko do siṅghạson samaṅre ombakʼkate Isor sewawadeteko menkeda,

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”