Johan sodor 4:5 - সান্তালী বাইবেল

⁵ Ona singhạson khon do bijliko, ar botoranakʼ aṛaṅ ar huḍur reakʼ saḍeko oḍok hijukʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.

Santali Common Language New Testament

⁵ Ona singhạson khon do bijliko, ar botoranakʼ aṛaṅ ar huḍur reakʼ saḍe oḍokokʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.

Johan sodor 4:5 Iomraidhean Croise

Genesis 15:7

Probhu Isor do Abrame metadea, “Iń kangeạń Probhu Isor do. Noa disạmem ạidạrijoṅ lạgitʼ ińge Kạldikoakʼ Ur nagraha khoniń oḍok ạguakatʼmea.”

2 Bõsbudạ 4:20

ar okaleka lại hoylen onkage sonot utạrakʼ jaega samaṅre jered lạgitʼ khạṭi sona reakʼ diuhe dohowakʼ ar ona reakʼ diuheko;

Sereńko 68:35

E Isor, amakʼ sonot ṭhạ̃ire amem hạjirlenre do botor hijukʼa. Israelren Isor do uniren hoṛkoakʼ daṛe ar ektiạriye emako kana. Isorakʼ sarhaoge baṛe hoyokʼtae ma.

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Exodus 20:18

Israelko do tinre bijli malkaokʼ ar buru khon dhũạ rakabokʼko ńelkeda ar huḍur ar sakwa reakʼ saḍeko ańjomkeda unre onko do sạṅgińre teṅgokate thar tharokʼko ehopʼena.

Exodus 25:37

Ona tayom khạṭi sonate eae goṭecʼ mạli benaokate diuhe dohowakʼre nonka dohoy hoyokʼa jemon mạliko jeretʼlere samaṅ senakʼ jaega do marsalokʼ.

Exodus 37:23

Khạṭi sonate eae goṭecʼ mạli, ar ona reakʼ cimṭạko ar ḍhạknicʼkoe benaokeda.

Jeheskel 1:13

Noko jiwetʼ jiwiyanko talare do aṅgra se mosal seṅgel leka jolokʼkan tahẽkana ona do onko jiwiyanko bhitrite oḍok bolokʼkan tahẽkana; ona seṅgel do jhalkaokʼkan tahẽkana ar ona tala khon bijliko oḍok hijukʼkan tahẽkana.

Joel 3:16

Probhu Isor do Sion khone hạnḍrạukʼa, ar Jerusalem khon acʼakʼ aṛaṅe ańjom ocoytaea; serma ar ot do dal dalaokʼa. Menkhan Probhu Isor do acʼren hoṛkoren hirlại hoyokʼa.

Sakariạ 4:2

Uni doe metadińa, “Am do cetʼem ńeleda?” Ińiń roṛ ruạṛadea, “Iń do mitʼṭecʼ sona reakʼ diuhe dohowakʼ iń ńeletʼkana ar ona reakʼ bohokʼre do mitʼṭecʼ sunum reakʼ cukạkʼge. Ona diuhe dohowakʼ cetanre eae goṭecʼ diuhe ar mimitʼ goṭecʼ diuhere eae goṭecʼkate sultạ dohoy reakʼ jaega menakʼa.

Mathae 25:1

“Unre serma raj do nonkan gel tetre kuṛiko leka hoyokʼa one okoe do gate kuṛiren Jãwãe daram ạguiye lạgitʼ diuhewante bahreteko oḍok calaoen.

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Aposkạmi 2:3

Ar celakoko ńelkeda seṅgel reakʼ alaṅ leka cetʼ coṅ hạṭińokʼkana ar onako do hoṛo hoṛo apʼatʼkoa.

Johan sodor 1:4

Iń Johan do Ạsiạ reakʼ eae goṭecʼ manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniyakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Johan sodor 3:1

“Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi ńutum menakʼtama, menkhan am dom gocʼgea.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

Johan sodor 8:5

Unre serma goḍet do pinḍ khon seṅgel hataokate ona dhup dạniye perecʼkeda ar dhạrtiteye lebda giḍikada. Onate huḍur ar eṭakʼakʼ botoranakʼ saḍe leka saḍeyena, ar bijli malkaoena ar dhạrti laṛaoena.