Johan sodor 4:11 - সান্তালী বাইবেল

¹¹ “E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Santali Common Language New Testament

¹¹ “E aleren Probhu ar Isor, amge man ar ṭhonok ar daṛe ńam lek kanam, ente jotowakʼgem sirjạu akada; ar amakʼ monelekage onako do sirjạu akana ar ṭikạu menakʼa.”

Johan sodor 4:11 Iomraidhean Croise

Genesis 1:1

Etohopʼre Isor do ot ar sermae sirjạukeda.

2 Samuel 22:4

Probhu Isor do sarhao ńam lek kanae, iń do uniń hohowae kana; onate ińren bạirikoakʼ ti khon iń do rukhiyạń ńameda.

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Jobakʼ 36:3

Iń do ḍher sạṅgiń khon ạkiliń hameṭ akawana; ińren sisirjạuicʼ do dhorom menteń sạbudea.

Sereńko 18:3

Probhu Isor do sarhao ńam lek kanae, iń do uniń hohowae kana; onate ińren bạirikoakʼ ti khone rukhiyạyińạ.

Sereńko 68:34

Lại saḍepe, Isor doe daṛeangea; uniyakʼ ṭhonok do Israelko cetanre menakʼa ar serma hạbicʼ uniyakʼ daṛe do menakʼtaea.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Jirimiạ 10:11

Hoṛko metakope, noko debota do ot ar serma bako sirjạuakada; onko do pirthimi khon ar serma latar khonko marao utạrokʼa.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Aposkạmi 17:24

“Isor, one uni dhạrti ar onare menakʼ jotowakʼe benao akatʼ, unige serma ar dhạrtiren Probhu Isor kanae. Uni do tite benaoakʼ okaṭakʼ mundilre hõ bae tahenkana.

Romiko lạgitʼ Pạul Apostolakʼ ciṭhi 11:36

Ente jotowakʼge coṅ uni khon ar uni hotetege hijukʼkan ar sanamakʼ do uni lạgitʼ kangea. Uniyakʼge jaejug ṭhonok hoyokʼtae ma. Amen.

Ephesiko lạgitʼ Pạul Apostolakʼ ciṭhi 3:9

Ona chaḍa uniyakʼ danaṅakʼ okalekate kạmire lagao hoyokʼa ona sodor reakʼ dạyik hõ ińreye emakada. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Ibriko 1:10

Isor do arhõe menakada, “E Probhu Isor, am do etohopʼrege dhạrti reakʼ rehetʼem bạisạu akada; ar serma hõ amakʼ titegem benao akada.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Johan sodor 10:6

Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Johan sodor 19:1

Noa tayom iń do sermare ạḍi utạr hoṛkoakʼ sabad lekań ańjomkeda. Onko doko menetʼ tahẽkana, “Halleluyah! Bańcao, ṭhonok ar daṛe, jotoge aboren Isorakʼ kana,

Johan sodor 5:12

Onko do ãṭ aṛaṅte noa kathako roṛetʼkan tahẽkana: “Okoeṭakʼ Bheḍa Hopone gocʼ ocolen, unige ektiạri, dhon, akel, daṛe, manot, ṭhonok ar sarhao ńam lek kanae.”

Johan sodor 5:2

Tayomte mitʼṭecʼ daṛeanicʼ serma goḍet do ạ̃ṭ aṛaṅte noa katha roroṛkaniń ańjomkedea, “Noa mohor chapko raṛakate puthi oṭag lạgitʼ lekmanicʼ doe okoekana?”

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.