Johan sodor 4:10 - সান্তালী বাইবেল

¹⁰ onko bargel pon murubbiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubbiko do ona siṅghạson samaṅre akoakʼ mukuṭ bocʼ dohokateko meneda,

Santali Common Language New Testament

¹⁰ onko bargel pon murubiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubiko do ona siṅghạson samaṅre akoakʼ mukuṭ bocʼ dohokateko meneda,

Johan sodor 4:10 Iomraidhean Croise

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

2 Bõsbudạ 7:3

Seṅgel pheḍ hijukʼko ńelketʼte ar koejoṅ oṛakʼ coṭre Probhu Isorakʼ ṭhonokko ńelketʼte sanam Israelko do dhirite tol akatʼ racareko ombakʼente Probhu Isorko ḍobokʼadea ar niạ menkateko sarhaokedea, “Uni doe bhạgangea; uniyakʼ daya do jaejug hạbicʼ tahenkana.”

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Sereńko 115:1

Aleakʼ do baṅ, E Probhu Isor, aleakʼ do baṅ, menkhan amakʼ sarhaoge baṛe hoyokʼma; amakʼ asambheṛ dulạṛ ar pạtiạr lạgitʼge hoyokʼma.

Sereńko 47:8

Sanam jạtrenko cetanre Isor doe rajokʼ kana; uni do acʼakʼ sonot siṅghạsonreye duṛupʼ akana.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

Sereńko 95:6

Dela, abo do uni bon sewawae ma; aboren sirjạuicʼ Probhu Isor samaṅre bon ikhṛumokʼma.

Jesaea 6:1

Oka bochor Usiạ raje gocʼen un bochor iń doń ńelkeda Probhu Isor do ạḍi usul reakʼ mitʼṭecʼ siṅghạsonreye duṛupʼ akana. Ar uniyakʼ raj kicricʼ reakʼ latar secʼakʼ hĩste mundil doe perecʼ akada.

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Luk 24:52

Unre onko do uniko sewawadea ar ạḍi rạskạ salakʼ Jerusalemteko ruạṛ senena.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

Dosar Biboron 32:40

Iń do serma secʼ ti tiạr kateń meneda, jaejugiń jiwetʼ leka iń meneda,

Johan sodor 10:6

Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.

Johan sodor 11:16

Uni do jaejug hạbicʼe rajokʼa.” Ar okoe bargel pon mukhiyạko Isor samaṅre akoakʼ siṅghạsonreko duṛupʼ akan tahẽkan, onko doko ombakʼente Isor sewawadeteko menkeda,

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan sodor 15:7

Onko ponea jiwiyankoren mitʼṭen do onko eae goṭen serma goḍetko eae goṭecʼ bạṭiye ematʼkoa. Ar Isor, okoe do jug jug khon jaejug hạbicʼ jiwetʼ menae, uniyakʼ edrete onako bạṭi do perecʼ akan tahẽkana.

Johan sodor 19:4

Isor, okoe do siṅghạsonreye duṛupʼ akan uni do onko bargel pon mukhiyạ ar onko ponea jiwiyanko do ombakʼkate sewawadeteko menkeda, “Amen. Halleluyah!”

Johan sodor 4:2

Iń do unrege sonot Jiuteń perecʼente sermare mitʼṭecʼ siṅghạsoniń ńel ńamkeda. Ona siṅghạsonre mitʼ hoṛ duṛupʼ akaniń ńelkedea.

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubbiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.

Johan sodor 4:9

Onko jiwiyanko do siṅghạsonre duṛupʼakanicʼ one uni jug cetan jug jiwetʼe tahenkan ṭhonok ar man ar gun manao joharko emae jokhecʼ,

Johan sodor 5:14

Onko ponea jiwiyankoko menkeda, “Amen.” Ona tayom onko murubbiko do ombakʼkateko sewakeda.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

Johan sodor 7:11

Ona tayom sermaren goḍetko do sanamkoge ona siṅghạsonren, mukhiyạko ar ponea jiwiyanko beṛhaeteko teṅgoyena. Onko do siṅghạson samaṅre ombakʼkate Isor sewawadeteko menkeda,