Johan sodor 3:1 - সান্তালী বাইবেল

¹ “Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi ńutum menakʼtama, menkhan am dom gocʼgea.

Santali Common Language New Testament

¹ “Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi namḍak menakʼtama, menkhan am dom gocʼgea.

Johan sodor 3:1 Iomraidhean Croise

Luk 15:24

ente nui ińren hopon do gocʼgeye tahẽkana menkhan arhõe jiwetʼ beretʼakana; atʼgeye tahẽkana are ńam ruạṛakana.’ Ona tayom onko do hesecʼ sekrejokʼko ehopʼena.

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Johan 1:16

Abo jotokoge uniyakʼ ona perecʼakʼ khon daya cetan daya bon ńam akada.

Johan 1:33

Uni do bạń oromakade tahẽkana, menkhan okoe dakʼte bạptisko lạgitʼe kol akadiń unigeye men akadińa, ‘okoe cetanre sonot Jiu pheḍ hijukʼkanem ńelea, unige sonot Jiuteye bạptispea.’

Johan 20:22

Noa menkate uni do celako oṅatʼkoteye metatʼkoa, “Sonot Jiu hatao joṅpe.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Ephesiko lạgitʼ Pạul Apostolakʼ ciṭhi 2:1

Bebatao ar kại iạte ape do gocʼgepe tahẽkana.

Ephesiko lạgitʼ Pạul Apostolakʼ ciṭhi 2:5

Ar bebatao iạte tinre gocʼge bon tahẽkana unre Mạsi sãote uni doe jiwetʼketʼ bona. Isorakʼ dayate ape do kại khon bańcaope ńamakada.

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,

1Timothi 5:6

Menkhan okoe rạnḍi maejiu acʼakʼ kusi leka jione khemaoetʼkan uni do jiwetʼ menaere hõ gocʼicʼ lekae hoyakana.

Jakob 2:26

Jiwi begor hoṛmo cetʼleka gocʼge onkage kạmi begor biswạs hõ gocʼgea.

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍaejoṅko khojletʼge Mạsiren uni Jiu do oka okte ar oka dosa reakʼ kathae baḍae ocoyetʼkoa mente.

Jihudạwakʼ ciṭhi 1:12

Noko hoṛ do dilkate apeakʼ helmel bhojkoreko seletʼ emanlen khan ona bhojre mạilạ lekako hoyokʼa. Noko do eken ako reaṅakʼgeko dạndikʼa. Noko do hoete oṭaṅ calakʼkan bin dakʼan rimil leka kanako. Jo tiokʼ jokhecʼ bin joanakʼ dare kante rehetʼ sudhạ pạṭupʼ giḍi akatʼ leka noko do banar secʼ tegeko gocʼgea.

Johan sodor 1:11

Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.

Johan sodor 1:4

Iń Johan do Ạsiạ reakʼ eae goṭecʼ manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniyakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

Johan sodor 2:19

Iń do amakʼ kạmi, amakʼ dulạṛ, amakʼ biswạs, amakʼ sapʼdapʼ ar amakʼ sobori reakʼ kathań baḍaegea. Am do lahate okakom kạmikan tahẽkan, ona khon hõ ńitokʼ do arhõ bạ̃ṛtim kạmikan ona hõń baḍaegea.

Johan sodor 2:2

Iń do amakʼ kạmi, mehnot ar sobori doń baḍaegea. Baḍaegeạń am do bạṛicʼ hoṛko bam ńel sahao daṛeakoa, ar okoe apostolko baṅkanre hõ apnarte apostolko ńumugokʼkan onko dom biḍạu aṭkar akatʼkoa ar phạsiạra kanako mente hõm sạbud akatʼkoa.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

Johan sodor 3:15

Am do reaṛ hõ bam reaṛa ar lolo hõ bam loloa. Am do reaṛ se lolom hoylen khan honaṅ boge hoykokʼa!

Johan sodor 3:2

Am do jagwar tahenme ar sarecʼakʼ okako gocʼakʼ leka menakʼ ona do daṛeanakʼ hoeocoyme, ente ińren Isor samaṅre amakʼ jãhãn kạmige mucạdokʼ do bạń ńelakada.

Johan sodor 3:8

uni do noa kathae meneda; iń do amakʼ kạmi reakʼ kathań baḍaegea. Ńelme, iń do am lạgitʼ jhicʼ akatʼ mitʼṭecʼ duạriń dohoakada, one oka siń reakʼ ektiạri do okoeyakʼ hõ bạnukʼtako. Ińiń baḍaea amakʼ daṛe do thoṛagetama, menkhan enhõ am do ińakʼ katham dohoakada ar bam baṅ akadińạ.

Johan sodor 4:5

Ona singhạson khon do bijliko, ar botoranakʼ aṛaṅ ar huḍur reakʼ saḍeko oḍok hijukʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.