Johan sodor 22:9 - সান্তালী বাইবেল

⁹ Menkhan uni doe metadińạ, “Men, alo; iń do am ar amren biswạsi boehako, metakʼme nạbiko ar okoe do noa puthi reakʼ sanamakʼ kathako manaoetʼkan onkoren são golam kạnạń. Isorge baṛe sewawae me.”

Santali Common Language New Testament

⁹ Menkhan uni doe metadińạ, “Men, alo; iń do am ar amren biswạsi boehako, metakʼme nạbiko ar okoe do noa puthi reakʼ sanamakʼ kathako manaoetʼkan onkoren são golam kạnạń. Isorge baṛe sewawae me.”

Johan sodor 22:9 Iomraidhean Croise

2 Rapajko 17:36

Menkhan Probhu Isor, okoe do daṛeanakʼ tite Misor disạm khone oḍok ạguletʼpe unige sewawaepe, ar unige ḍobokʼaepe ar uni ńutumte joto samaṅokʼakʼko samaṅpe.

Sereńko 45:11

Enḍekhan raj do amakʼ mońjtetʼreye hạ̃sakʼa; unige amren kisạ̃ṛ do, ar unige ḍobokʼaeme.

Exodus 34:14

Cele debotage alope sewawakoa, ente Probhu Isorakʼ ńutum do ãṭicʼ Isor; uni do mitʼṭen ãṭ Isor kanae.

Mathae 4:9

“Noako joto do amiń emama, khạjuk ombakʼkate ińem sewawạń.”

Luk 4:7

Ńitokʼ am do ińem ḍobokʼạń ar Probhu mentem aṅgociń, enḍekhan noako joto do amakʼge hoyokʼa.”

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Johan sodor 1:1

Noa puthire okako olakan ona do Jisu Mạsigeye sodor akada. Noako reaṅ Isor do Mạsi ṭhene sodorleda, jemon thoṛa ghạṛicʼ khange hoyokʼ lạgidokʼkan ghoṭnako acʼren gutikoe baḍae ocoko. Mạsi do acʼren goḍete kolkedete acʼren golam Johan do noa reaṅakʼkoe baḍae ocoledea.

Johan sodor 1:11

Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Johan sodor 22:10

Ona tayom uni doe metadińạ, “Noa puthi reakʼ sanamakʼ kathako, metakʼme Isorakʼ katha am do alom oko dohokakʼa, ente oktetetʼ do sor akana. Bedhoromicʼ do, bedhoromtegeye tahenma,

Johan sodor 22:18

Okoe hoṛ noa puthi reakʼ sanamakʼ kathako, metakʼme Isorakʼ kathakoe ańjometʼkan, iń do uni ṭhen noa gohań emeda je, jãhãege noa puthire jãhãnakʼe juṭicʼakʼ, enḍekhan Isor hõ noa puthire olakan sanam dukko uniyakʼ jionreye juṭicʼaea.

Johan sodor 22:7

Jisui meneda, “Ńelpe, iń do ạḍi usạrageń hijukʼkana. Noa puthi reakʼ sanamakʼ katha, metakʼme Isorakʼ kathako okoeye manao uni doe bhạgangea.”

Johan sodor 4:10

onko bargel pon murubbiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubbiko do ona siṅghạson samaṅre akoakʼ mukuṭ bocʼ dohokateko meneda,

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.