Johan sodor 22:2 - সান্তালী বাইবেল

² Ona gaḍa reakʼ dene banar aṛere do jion dare tahẽkana. Onare do gelbar lekan jo jokʼkan tahẽkana. Ar jao candoge onare do jokʼa ar ona reakʼ sakamte sanam jạtren hoṛko bogekʼkan tahẽkana. Sarap do ar baṅ tahena.

Johan sodor 22:2 Iomraidhean Croise

Genesis 2:9

Ar onḍe uni do nonkanakʼ darekoe janam ocokeda one oka do ńelokʼte mońj ar onako reakʼ joko hõ sebelge tahẽkan. Ona chaḍa bagwan talare uni do “Jion dare” ar “Boge bạṛicʼ dare” ńutumanakʼ barea dare hõe janam ocokeda.

Sereńko 147:3

Rạputʼ monanko doe bogeyetʼkoa; ar onkoakʼ sanam ghaokoe tolkatako kana.

Kạhtukko 3:18

Okoe uniye sabe onko ṭhen do jion dare leka; ar okoe unireko sapʼ kajak akae tahen onko do bhorko ńama.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Jirimiạ 17:14

E Probhu, bogeyińme, enḍekhaniń bogekʼa; bańcao ińme, enḍekhaniń bańcaokʼa, ente amkangeam ińren sarhaoanicʼ do.

Jeheskel 47:1

Ona tayom uni do mundil oṛakʼte bolokʼ hor ṭhene ruạṛ ạgukedińa, ariń ńelkeda mundil oṛakʼte bolokʼ hor reakʼ kandha khon dakʼ do purub secʼ ạtu oḍokokʼ kana. Mundil oṛakʼ do purub secʼ samaṅ akan tahẽkana. Ona dakʼ do mundil oṛakʼ reakʼ dạkhin aṛe reakʼ kandha khon pinḍ reakʼ dạkhin aṛete ạtu calakʼkan tahẽkana.

Hosea 14:4

Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana.

Sakariạ 14:8

Un jokhecʼ niron din ar rabaṅ dinre Jerusalem khon do heṛem dakʼ ạtu oḍokokʼte adha do purub jalapuri secʼ ar adha do pạchim jalapuri secʼ ạtu calakʼa.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Johan sodor 2:7

“Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente! Jitạukʼicʼ do Isorakʼ Parades reakʼ jion dare reakʼ joyiń jom ocoyea.

Johan sodor 21:21

Ona gelbar duạrre gelbar goṭecʼ muti tahẽkana. Mimitʼ duạr do mimitʼ goṭecʼ mutite tear akan tahẽkana. Ar nagraha reakʼ kulhi do sapha kãc leka khạṭi sonate tear tahẽkana.

Johan sodor 21:24

sanam jạtrenko ona marsalreko dãṛãna. Dhạrtiren rapajko do akoakʼ ṭhonokante ona nagrahateko hijukʼa.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

Johan sodor 22:19

Ar noa puthi reakʼ sanamakʼ kathako, metakʼme Isorakʼ kathako khon jãhãege thoṛagane kaṭao giḍikakʼ enḍekhan Isor hõ noa puthire olakan jion dare ar ona sonot nagraha reakʼ ạidạri uniyakʼ jion khone kaṭao giḍikataea.