Johan sodor 21:4 - সান্তালী বাইবেল

⁴ Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Santali Common Language New Testament

⁴ Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Johan sodor 21:4 Iomraidhean Croise

Sereńko 144:4

Manwa ma eken sahẽtʼ leka ar uniyakʼ dinko do umul leka parom calakʼkana.

Jesaea 25:8

Gujukʼ do jaejug lạgitʼe marao giḍikakʼa. Probhu Isor do sanamkoakʼ mẽtʼ dakʼe jodtakoa ar uniren hoṛkoakʼ henosta do goṭa dhạrti khone sạṅgiń giḍikakʼa. Probhu Isor do niạ kathageye meneda.

Jesaea 30:19

E Sionren hoṛko, okoe do Jerusalemrepe tahenkan, ape do ar bape raga. Goṛo ńam lạgitʼpe rakʼle khan uni do khạṭigeye dayawapea. Uni do ańjom torageye roṛ ruạṛapea.

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Jesaea 51:11

Probhu Isorren rukhiyạ akan hoṛ doko ruạṛ hijukʼa ar sereń sereńte Sionteko rakapʼa. Ar jaejugakʼ rạskạge onkoakʼ bohokʼ reakʼ mukuṭ do hoyokʼtakoa. Onko do ạḍiko hulạsokʼa ar duk ar kũhrạu do onko khon ńir pharakokʼa.

Jesaea 60:20

Amren siń cando do tisge ar bae hạsurokʼa, ar amren ńindạ cando hõ ar bae adokʼa. Probhu Isorge amakʼ jaejug reakʼ marsale hoyokʼa; ar amakʼ hirdạukʼ reakʼ dinko do mucạdokʼtama.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jirimiạ 31:13

Kũạri kuṛiko doko enecʼa arko rạskạ joṅa, juạnko ar haṛamko hõ bako badokʼa. Onkoakʼ homor halaṅ do rạskạteń pheraotakoa; duk bodolte jiwi raṛecʼ ar rạskạń emakoa.

Hosea 13:14

“Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

1 Korinthiko 15:26

Ar sesicʼ bạiri moron, uni hõe marao ocokʼa.

1 Korinthiko 7:31

okoe dhạrti reakʼakʼko laṛcaṛetʼkan, onko do purạpuri aloko laṛcaṛma; ente noa dhạrti reakʼ rup do pheraokʼ kana.

2 Korinthiko 5:17

Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Ibriko 12:27

“Ar mitʼ dhao,” Noa banar kathate bujhạukʼ kana je, oka jinisko dal dalaokʼa, metakʼme oka sirjạu akan ona do pheraokʼa, jemon oka jinisko baṅ dal dalaokʼ onako do ṭarhao tahena.

2 Patras 3:10

Menkhan Probhu Isorakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamgeko atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.

1 Johan 2:17

Dhạrti ar dhạrti reakʼ rij roṅ do caba hijukʼkana, menkhan Isorakʼ sana leka okoeye senokʼkan uni do jaejug hạbicʼe tahena.

Johan sodor 20:13

Ar okoe gocʼ hoṛko do jalapurireko tahẽkan, onko do jalapuriye idiketʼkoa. Ona chaḍa moron ar patalpurire okoe gocʼakan hoṛko tahẽkan, onko dokin em ruạṛkatʼkoa. Ar mimitʼko do akoakʼ kạmi lekako bicạr ocoyena.

Johan sodor 20:14

Tayomte moron ar patal puri do seṅgel reakʼ doreão rekin khadle ocoyena. Noa seṅgel reakʼ doreãore ńurokʼge hoyokʼ kana dosar gujukʼ. Ar okoeyakʼ ńutum ona jion reakʼ puthire baṅ ńamlen, onko do seṅgel reakʼ doreãoreko khadle ocoyena.

Johan sodor 21:1

Ona tayom iń do mitʼṭen nãwã serma ar mitʼṭen nãwã dhạrtiń ńelkeda. Pạhilakʼ serma ar pạhilakʼ dhạrti do parom calaoena ar jalapuri hõ ar baṅ tahẽlena.

Johan sodor 22:3

Isor ar Bheḍa Hoponakʼ siṅghạson do ona nagrahare tahena ar uniren golamko do uniko sewawaea.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”