Johan sodor 21:2 - সান্তালী বাইবেল

² Ar ona sonot nagraha, metakʼme nãwã Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajao sapṛao akan, onkage noa nagraha hõ sajao sapṛao ocoakan tahẽkana.

Santali Common Language New Testament

² Ar ona sonot nagraha, metakʼme nawa Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajaoakan, onkage noa nagraha hõ sajao ocoakan tahẽkana.

Johan sodor 21:2 Iomraidhean Croise

Sereńko 87:3

E Isorakʼ nagraha, am reaṅ do ạḍi ṭhonok reakʼ katha lạiyogokʼ kana. (Sela)

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Ibriko 11:10

ente oka nagraha tahẽ utạrokʼ uni do ona nagraha reakʼ koyokʼ horreye tahẽkana. Ona nagraha reakʼ noksa ar gathao rakab reakʼ kạmi do Isorgeye kạmiakada.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Ibriko 13:14

ente nonḍe do jaejug hạbicʼ jãhãn nagraha bạnukʼ tabona; menkhan okaṭakʼ nagraha daraekan ona lạgitʼ bon koyokʼ horakada.

Johan sodor 1:1

Noa puthire okako olakan ona do Jisu Mạsigeye sodor akada. Noako reaṅ Isor do Mạsi ṭhene sodorleda, jemon thoṛa ghạṛicʼ khange hoyokʼ lạgidokʼkan ghoṭnako acʼren gutikoe baḍae ocoko. Mạsi do acʼren goḍete kolkedete acʼren golam Johan do noa reaṅakʼkoe baḍae ocoledea.

Johan sodor 1:4

Iń Johan do Ạsiạ reakʼ eae goṭecʼ manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniyakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiyạdariń hoyakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.

Johan sodor 21:10

Tayomte uni serma goḍet do mitʼṭecʼ maraṅ ar usul buruteye idikedińa. Unre iń do sonot Jiu reakʼ uskurreń tahẽkana. Ar Isorakʼ ṭhonokte jhalkaokʼkan ona sonot nagraha Jerusalem serma khon ar Isor ṭhen khon pheḍ hijukʼkane udukʼạdińa.

Johan sodor 21:9

Ar okoe eae goṭecʼ serma goḍetkoakʼ tire mucạtʼ eae goṭecʼ dukte perecʼ bạṭi tahẽkan onko modren mitʼ hoṛ do iń ṭhen hecʼkateye menkeda, “Dela hijukʼme, bạhu kuṛiń udukʼama, metakʼme Bheḍa Hoponren bạhuń udukʼama.”

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Johan sodor 22:19

Ar noa puthi reakʼ sanamakʼ kathako, metakʼme Isorakʼ kathako khon jãhãege thoṛagane kaṭao giḍikakʼ enḍekhan Isor hõ noa puthire olakan jion dare ar ona sonot nagraha reakʼ ạidạri uniyakʼ jion khone kaṭao giḍikataea.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.