Johan sodor 20:3 - সান্তালী বাইবেল

³ Tayomte kulup oṭokate ona cetanreye chap oṭowada, jemon ona mitʼ hajar bochor ạuri mucạdokʼ hạbicʼ dhạrtire jạt jạtrenko eṭakʼ bhul horte bae idi daṛeako; ona tayom thoṛa din lạgitʼ uni doe aṛakʼ ocokʼa.

Santali Common Language New Testament

³ Tayomte kulup oṭokate ona cetanreye chapada, jemon ona mitʼ hajar bochor ạuri mucạdokʼ hạbicʼ dhạrtire jạt jạtrenko eṭakʼ bhul horte bae idi daṛeako; ona tayom thoṛa din lạgitʼ uni doe aṛakʼ ocokʼa.

Johan sodor 20:3 Iomraidhean Croise

Sereńko 90:4

Amakʼ nońjorre hajar bochor parom calaoen do, holanokʼ din leka kana.

Daniel 6:17

Ar mitʼṭecʼ dhiri ạgukate ona ghaḍlakʼ reakʼ moca ṭhenko dohokada. Raj do acʼ ar mukhiyạ hoṛkoakʼ chapakʼ mundạmte onae chapada jemon Daniel lạgitʼ eṭakʼ jãhãn bebosta alo hoyokʼ.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 27:66

Adoko calaoente dhiri cetanreko mohor chap oṭowada ar kajakte horhoe lạgitʼ pahradarkoko dohoketʼkoa.

Mark 4:15

Ar hor aṛere ńuren itạte do nonkanko reaṅge roṛ akana okoe do ona kathako ańjomketʼ, menkhan Soetan do hecʼkate unrege onkoakʼ ontorre erakan kathakoe halaṅ ạtkira.

Luk 8:31

Unre onko bạṛicʼ jiu do Jisuko nehõradea, jemon athan kunḍte aloe kol giḍikako.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

2 Patras 3:8

Menkhan E dulạṛiạ boehako, noa katha do alope hiṛińa, Probhu Isor ṭhen mitʼ din do hajar bochor soman kana ar hajar bochor do mitʼdin soman kana mente.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 17:2

Dhạrtiren rapajko do uni tulucʼko loṭghuṭileda, ar okoe doko noa dhạrtirenkan onko do uniyakʼ loṭghuṭi reakʼ darkha rasateko ńũ bul akan tahẽkana.”

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.

Johan sodor 20:1

Inạ tayom mitʼṭen goḍet do serma khon pheḍ hijukʼ kaniń ńelkedea. Uniyakʼ tire do ona athan kunḍ reakʼ choṛan ar mitʼṭen maraṅ okocʼ sikṛi tahẽkana.