Johan sodor 2:14 - সান্তালী বাইবেল

¹⁴ Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Santali Common Language New Testament

¹⁴ Menkhan enhõ am birudre ińakʼ roṛ reakʼ thoṛa menakʼtińạ. Onḍe am ṭhen nonkan hoṛko menakʼkoa okoe do Balamakʼ sikhnạt lekateko calakʼkan. Balak raj do Balame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Johan sodor 2:14 Iomraidhean Croise

Jesaea 57:14

Probhu Isore mena, “Sạriạupe, sạriạupe, hor tearpe. Ińren hoṛkoakʼ hor khon mitʼke mitʼ tokʼhotʼakʼko ocokʼ giḍikakʼpe.”

Jirimiạ 6:21

Onate Probhu Isore meneda, “Noko hoṛ samaṅre iń do aema tạkʼkicʼakʼ iń dohoya. Apat ar hoponko onare mitʼ domteko tohodokʼa; aḍepaseren hoṛ ar gateko doko marao utạrokʼa.”

Jeheskel 3:20

“Arhõ, jãhãe dhorom hoṛ jodi acʼakʼ hor khon ruạṛkate bạṛicʼakʼe kạmi ar uni samaṅre mitʼṭecʼ muhin iń dohoy, enḍekhan uni doe gujukʼa. Ar uni bam sontorlede iạte uni do acʼakʼ kại iạteye gujukʼa. Ar okako dhorom reakʼ uniye kạmi akatʼ ona do ar baṅ disạkʼtaea; ar uniyakʼ gujukʼ lạgitʼ am do bạń dạyimea.

Jeheskel 44:12

Menkhan onko do boṅgako samaṅre hoṛkoko sapʼsor akawatʼkoa ar Israel jạtrenko kại ocoakatʼkoa, ona iạte iń Probhu Isor doń kiriạ akana, onkoakʼ kại reakʼ kuṛại do onkoge asen baṛae lagaoakoa.

Numeri 24:14

Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”

Numeri 31:16

Ńelpe nokoge Biliamakʼ kathate Israel hoponkoko bulạuletʼkoa Peor babotteakʼ kathare Probhu Isor upạrteko bepạtiạr ocoletʼkoa onate Probhu Isorren hoṛko talare mahamạri do paṛaolena.

Numeri 31:8

Onko do Midiạnrenko sãote eṭakʼ mõṛẽ goṭen raj hõko gocʼketʼkoa. Onkoakʼ ńutum do hoyokʼ kana, Ebi, Rekom, Sur, Hur ar Reba. Israelko do Beorren hopon Biliam hõ tarwaṛeteko gocʼkedea.

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

Aposkạmi 15:29

Ona jạruṛokʼakʼko reaṅ do hoyokʼ kana: Boṅga ṭhen samaṅakʼ jãhãnakʼge alope joma, mãyãm hõ alope ńũiya, ar limbạtʼ gocʼkoakʼ jel hõ alope joma, ar sanam lekan loṭghuṭi khon sahaṛ akae tahenpe. Ar noako khon sạṅgińrepe tahen khan bhage hoyokʼtapea. Ma napaete tahen tabonpe.”

Aposkạmi 21:25

Menkhan boṅgan hoṛ jạtren biswạsiko lạgitʼ okale goṭa akatʼ ona reaṅ do nonka ol katele baḍae ocoakatʼkoa je, onko do boṅga ṭhen samaṅakʼ bako joma, mãyãm hõ baṅ, limbạtʼ gocʼ janwarakʼ jel hõ bako joma ar jãhãlekan loṭghuṭi hõ bako kạmiya.”

Romiko lạgitʼ Pạul Apostolakʼ ciṭhi 11:9

Dạud raj hõe menleda, onkoakʼ jojom ar ńũńũakʼ do pạsi ar jhampa leka hoyokʼ ma; ona do jemon onkoakʼ tạkicʼakʼ hoyokʼtako, ar oka kuṛại menakʼtako onage jemonko ńam.

Romiko lạgitʼ Pạul Apostolakʼ ciṭhi 14:13

Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmima one ona ńelte jãhãe boeha monreye tạkijokʼ se kạireye ńur botecʼkokʼ.

Romiko lạgitʼ Pạul Apostolakʼ ciṭhi 14:21

Jel jom, se darkha rasa ńũi se nonkanakʼ kạmi lek do baṅkana one okaṭakʼte amren boehae tạkicʼ botecʼkokʼ.

Romiko lạgitʼ Pạul Apostolakʼ ciṭhi 9:32

Cedakʼ bako daṛeada? Ente onko do biswạsre ṭehãḍ baṅkate kạmire ṭehãḍ akanko tahẽkana. Okaṭakʼ dhirire hoṛko tohodokʼ onarege onko hõko tohotʼlena.

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

1 Korinthiko 7:2

Menkhan goṭa ṭạnḍige loṭghuṭi hoyokʼ kana, onate mimitʼ herel hoṛren do rinicʼtetʼe tahentaema, ar mimitʼ maejiuren hõ jãwãetetʼe tahentaema.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

Josuạ 24:9

Tayomte Sipor hopon Moabren raj Balak do Israelko sãote lạṛhại lạgitʼe sapṛaoena ar ape sarapape lạgitʼ Beor hopon Biliame hoho ạgukedea.

1 Patras 2:8

Sostor reakʼ noa katha hõ ṭhikgea, Ona do nonkan dhiri kana, one okaṭakʼ do hoṛkoakʼ tohodokʼ reakʼ karonge hoyokʼ. Hoṛko do Isorakʼ katha bebatao iạteko tohodokʼ kana, ar ona iạtege onko doko doho ocoakana.

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

Johan sodor 2:4

Enrehõ am upạrte noa katha roṛteakʼ menakʼtińạ, ente lahate iń lạgitʼ cetʼ leka dulạṛ tahẽkan tam ona dom atʼakada.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.