Johan sodor 19:12 - সান্তালী বাইবেল

¹² Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Santali Common Language New Testament

¹² Uniakʼ mẽtʼ do jolokʼkan seṅgel leka ar uniakʼ bohokʼre do ạḍi utạr mukuṭ tahẽkana. Uniakʼ hoṛmore nonkan mitʼṭen ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Johan sodor 19:12 Iomraidhean Croise

Genesis 32:29

Jakob do uniye metadea, “Nehõram kạnạń, amakʼ ńutum baṛe lạiyạńme?” Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.

Sereńko 8:5

Manwa do serma goḍet khon thoṛaganem huḍiń akadea; uni do ṭhonok ar manot reakʼ mukuṭem horokʼ akawadea.

Exodus 23:21

Ape do uniyakʼ kathape ańjoma ar uniyakʼpe manaotaea. Uni upạrte mon alope haṛhatʼ ocoytapea. Apeakʼ hul do bae ikạitapea, ente iń do unirege minạńa.

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Soros sereń 3:11

E Sionren kuṛiko, dela oḍok hijukʼpe, ńelpe, Solomon raj do mạ̃ṛteye sajao akana; uniyakʼ baplakʼ dinre, ar uniyakʼ rạskạ dinre, uniren eṅgattetʼ do mạ̃ṛe horokʼ akawadea.

Jesaea 62:3

Am do Probhu Isorakʼ tire mitʼṭecʼ ṭhonokanakʼ mukuṭem hoyokʼa ar amren Isorakʼ tire do mitʼṭecʼ raj mukuṭge.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Daniel 10:6

Uniyakʼ hoṛmo do Boidorjomuni leka, mẽtʼãhã do bijli leka, mẽtʼãhã do jolokʼkan mosal leka, ti-jaṅga do pạlis akatʼ tamba leka ar uniyakʼ aṛaṅ do ḍher hoṛkoakʼ sabad leka.

Sakariạ 9:16

Enhilokʼ onkoren Probhu Isor do bhiḍi palko leka acʼren hoṛkoe bańcaokoa. Onko do uniyakʼ disạmre mukuṭ reakʼ hirạ-mạnik lekako jhak jhakaokʼa.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Luk 10:22

“Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.”

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ leka laṅ mitʼge noko hõ onkage mitʼko tahen.

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Ephesiko lạgitʼ Pạul Apostolakʼ ciṭhi 1:21

Uni do serma reakʼakʼ sanam lekan ektiạri, daṛe ar mạlikiko Mạsi gobolreye dohokeda. Ar mitʼke mitʼ ńutum cetanre baṅ do nahakʼ jugre baṅ do darakan jugre, ona sanam cetanre Mạsiyakʼ ńutume dohokeda.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Johan sodor 1:14

Uniyakʼ bohokʼ ar upʼ do ponḍge tahẽkana, ponḍ bhiḍi upʼ leka ar him lekage ar mẽtʼ do seṅgel lepʼ leka tahẽkana.

Johan sodor 12:3

Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.

Johan sodor 6:2

Ar okoe unireye decʼakan tahẽkan uniyakʼ tire do mitʼṭecʼ akʼ tahẽkana. Uni do mitʼṭecʼ mukuṭko emadea ar jitạuicʼ lekae oḍok calaoena are jitạu idiyena.

Bikʼcạrko 13:18

Uniye menkeda, “Ńutum do cedakʼem kuliyediń kana? Ińakʼ ńutum do okoege bako bujhạu daṛeakʼa.”