Johan sodor 18:15 - সান্তালী বাইবেল

¹⁵ Okoe noako jinis bạnij beparkateko kisạ̃ṛlen onko bepariko do uniyakʼ saset ńelte botorte sạṅgińreko teṅgo tahena.

Santali Common Language New Testament

¹⁵ Okoe noako jinis bạnij beparkateko kisạ̃ṛlen onko bepariko do uniakʼ saset ńelte botorte sạṅgińreko teṅgo tahena.

Johan sodor 18:15 Iomraidhean Croise

Jeheskel 27:31

Onko do am iạte bohokʼko hoyo munḍrạkʼa ar gõṛẽ kicricʼko horoga. Onko do mon reakʼ dukte am ńutumteko homor halaṅa ar ạḍi ãṭko raga.

Sakariạ 11:5

Okoe onkoko kirińetʼko onko doko guretʼkogea menkhan apnar do bin dusạn mente bako hudisokʼkana. Ar okoe onkoko ạkhrińetʼko onko doko mena, ‘Probhu Isorakʼge sarhao baṛe hoyokʼtaema, iń doń kisạ̃ṛ akana.’ Onkoren gukʼpiko do onko cetanre bako dayakʼ kana.

Mark 11:17

Ado cetʼako jokhecʼ onko hoṛkoe metatʼkoa, “Sostorre cetʼ nonka baṅ ol akana, ‘ińakʼ oṛakʼ do sanam jạtrenko lạgitʼ koejoṅ oṛakʼ ńumogokʼa mente?’ Menkhan ape do ḍạkukoakʼ danderpe hoyoco akada!”

Aposkạmi 16:19

Ado rojgar cabayena menteko ńelketʼ khan uni kuṛiren kisạ̃ṛko do Pạul ar Silạs sapʼkate nagraharen mukhiyạ ṭhenko or idiketʼkinạ.

Johan sodor 18:12

Onkoakʼ onako jinis modre sona, rupạ, damanakʼ dhiri ar muti mạnik, mĩhĩ musnạ kicricʼ, beguni roṅakʼ kicricʼ, lumạṅ kicricʼ ar jeṅgetʼ arakʼ kicricʼ; aema lekan mońj so kaṭko ar hạti ḍaṭate tearakʼ aema jinisko; damanakʼ kaṭ reakʼ tearakʼ jinisko, pitạl, mẽṛhẽtʼ ar mormor dhirite tear jinisko;

Johan sodor 18:13

darcini jut so mosola, dhup, mahkaokʼ sunum, kunduru, darkha rasa, jạitun reakʼ sunum, holoṅ ar guhum; ḍaṅgrako, bhiḍiko, sadomko ar gạḍiko ar golamkoge.

Johan sodor 18:14

Onko bạnij beparikoko mena, “Okaṭakʼ jo am do lab joṅem menletʼ tahẽkan ona do am ṭhen khon sạṅgiń akana; amakʼ joto dhon-durib ar sajaotetʼ do nosṭo akana. Ar hoṛko do tisge ona bako ńama.”

Johan sodor 18:19

Onko do akoakʼ bohokʼre dhuṛiko er joṅa ar rakʼ rakʼteko mena, “Hae, hae, ona maraṅ nagraha do! Ar jalapurire okoekoakʼ jahaj menakʼtako onko do uniyakʼ dhon-duribtegeko kisạ̃ṛlena; ar ńelpe mitʼ ghuṛitege ona do ḍahao maraoena!”

Johan sodor 18:3

ente uni do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoakatʼkoa. Dhạrtiren rapajko do uni tulucʼko loṭghuṭi akada, ar dhạrtiren bạnij bepariko hõ uniyakʼ bin sambṛaokʼ reakʼ iricʼ cikijokʼ daṛeteko kisạ̃ṛ akana.”