Johan sodor 18:11 - সান্তালী বাইবেল

¹¹ Dhạrtiren bạnij bepariko hõ uni lạgitʼko raga arko dukokʼa, ente onkoakʼ jinisko do ar okoege bako hataotakoa.

Santali Common Language New Testament

¹¹ Dhạrtiren bạnij bepariko hõ uni lạgitʼko raga arko dukokʼa, ente onkoakʼ jinisko do ar okoege bako hataoa.

Johan sodor 18:11 Iomraidhean Croise

Kạhtukko 3:14

ente onare do rupạ reakʼ bạnij khon hõ bạ̃ṛti lab menakʼa, ar sona khon hõ ḍher lab hoyokʼa;

Jesaea 13:19

Sanam rajosṭiko reakʼ ṭhonok Babel ar Kạldikoakʼ gorbo Isor do Sodom ar Gomora lekae dhaṅdhaser ocoya.

Jesaea 47:15

Okoeko soṅgetem kurumuṭuletʼ ar juạn jokhecʼ okoeko tulucʼem karbarletʼ onko do onkageko hoyokʼa. Onko mimitʼko do apan ạpin horteko mohnḍa akana; am bańcaome lạgitʼ mitʼ hoṛ hõ bạnukʼkoa.”

Jeheskel 27:9

Gebalren murubbiko do gạkhuṛ hoṛko lekate amre oṛecʼ paṛakʼakʼren jut aroe reakʼko kạmikan tahẽkana. Doreão reakʼ sanam jahaj ar onkoren jahaj cakʼlaoko do amakʼ jinisko bạnij bekʼpar lạgitʼ am ṭhenko hijukʼkan tahẽkana.

Sephaniạ 1:11

E Motteserre tahenkan hoṛko, ape do homor halaṅpe, ente aperen bepariko ar ṭaka poesa karbạriạko do jotogeko marao ocokʼa.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Mathae 22:5

“Menkhan neota akan hoṛko do gutikoakʼ katha bako hetawada; calao baṛayenako, okoe do acʼakʼ khette, okoe do acʼakʼ bạnij beparte.

Johan 2:16

Uni do parwa ạkhrińkoe metatʼkoa “Men nonḍe khon noako idipe. Iń Babawakʼ oṛakʼ do bạnij-beparkoakʼ oṛakʼ alope hoeocoya.”

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Johan sodor 18:15

Okoe noako jinis bạnij beparkateko kisạ̃ṛlen onko bepariko do uniyakʼ saset ńelte botorte sạṅgińreko teṅgo tahena.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Johan sodor 18:23

Amre diuhe reakʼ marsal do tishõ baṅ jolokʼa. Jãwãe beṭa ar bạhu kuṛiyakʼ aṛaṅ amre ar tishõ baṅ ańjomokʼa. Amren bạnij bepariko do dhạrtire joto khon napṛakʼko tahẽkana, ar sanam jạtrenko do amakʼ jạduteko bulạulena.

Johan sodor 18:3

ente uni do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoakatʼkoa. Dhạrtiren rapajko do uni tulucʼko loṭghuṭi akada, ar dhạrtiren bạnij bepariko hõ uniyakʼ bin sambṛaokʼ reakʼ iricʼ cikijokʼ daṛeteko kisạ̃ṛ akana.”

Johan sodor 18:9

Ar dhạrtiren okoeko raj uni tulucʼko loṭghuṭi akatʼ arko umtạ umtilen onko do uni atare jokhecʼ dhũạ ńelteko raga ar uni lạgitʼko dukokʼa.