Johan sodor 17:8 - সান্তালী বাইবেল

⁸ Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.

Santali Common Language New Testament

⁸ Ar okoe janwarem ńellede uni do lahateye tahẽkana, menkhan ńitokʼ do bạnuya. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu jokhecʼ khon okoekoakʼ ńutum do jion reakʼ puthire ol bạnukʼtako onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuya, menkhan arhõe ńel ocokʼa.

Johan sodor 17:8 Iomraidhean Croise

Sereńko 69:28

Jiwetʼkoakʼ tạlika khon onkoakʼ ńutum do meṭaokʼtako ma, ar Isor botoraekoakʼ tạlikare onkoakʼ ńutum do alo tahen ma.

Daniel 11:45

Doreão ar mońj sonot buruko talare uni do acʼakʼ raj tạmbui bereda. Menkhan uni do acʼakʼ mucạtʼ secʼgeye mohnḍakʼa ar celege uni do bako goṛowaea.

Daniel 7:11

“Ińiń ńelkeda ona dereń do unhõ gorbokʼ salakʼ kathae roṛetʼkan tahẽkana. Ar tin hạbicʼ uni janwar bae gur ocoyen unhạbicʼ iń do beṅgetʼ akaegeń tahẽkana. Uniyakʼ hoṛmo do marao ocoyente jolokʼkan seṅgelre giḍi ocoyentaea.

Daniel 7:26

Menkhan tayomte uni doe bicạr ocokʼa ar uniyakʼ ektiạri do uni khon rejogokʼa, ar ona do jaejug lạgitʼ marao giḍikʼteaa.

Daniel 7:3

Ar ona jalapuri khon ponea maraṅ janwarko rakapʼ hecʼena; onko mimitʼko do judạ judạko tahẽkana.

Daniel 7:7

“Ńindạ jokhecʼ ińakʼ ona kukmũ talareń beṅgetʼketʼ khan ponicʼ janwariń ńel ńamkedea. Uni do botorgeye tahẽkana ar daṛe hõ ạḍi daṛeye tahẽkana. Uniyakʼ do mẽṛhẽtʼ reakʼ lạṭu lạṭu ḍaṭa tahẽkantaea. Ar acʼren sikạr doe chaka chunkedeteye utʼkedea ar oka sarecʼ tahẽyen ona do jaṅgateye lebetʼ gańjaokeda. Nui do lahaten janwarko khon hõ begargeye tahẽkana ar uniyakʼ do gel goṭen dereń tahẽkana.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Luk 10:20

Menkhan bhutko apeakʼ kathako ańjometʼkante alope rạskạkʼa, bickom sermare apeakʼ ńutum ol caṛhao akan iạte hulạsokʼpe.”

Luk 8:31

Unre onko bạṛicʼ jiu do Jisuko nehõradea, jemon athan kunḍte aloe kol giḍikako.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Aposkạmi 15:18

Ar ḍher din laha khon noa do uniyakʼ monre tahẽkana.”

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

1 Patras 1:20

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.

Johan sodor 11:7

Unkinakʼ goha emokʼ sạtlen khan ona athan kunḍ khon mitʼṭen janwar do rakapʼ hecʼkate unkin tulucʼe lạṛhạiya ar unkine bhagaokinteye gocʼkinạ.

Johan sodor 17:11

Okoeṭakʼ janwar do pạhilreye tahẽkan, menkhan ńitokʼ bạnui uni do onko eae goṭen modrenkanre hõe uni doe irạlicʼ raj kana; ar jaejug hạbicʼ sạjạiye joma.

Johan sodor 17:2

Dhạrtiren rapajko do uni tulucʼko loṭghuṭileda, ar okoe doko noa dhạrtirenkan onko do uniyakʼ loṭghuṭi reakʼ darkha rasateko ńũ bul akan tahẽkana.”

Johan sodor 20:10

Ar okoe onko eṭakʼ horteye bulạu idiletʼko tahẽkan uni Soetan do jolokʼkan gondhok reakʼ doreãoreye khadle ocoyena. Uni janwar ar eṛe nạbi do laharege onḍekin khadle ocoakan tahẽkana. Onko do onḍe jaejug hạbicʼko sasetokʼa.

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭecʼ puthi hõ oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol tahẽkan onkage onkoakʼ bicạr do hoyena.

Johan sodor 3:10

Sobori reakʼ okań hukumatʼme tahẽkan ona dom dohoakada; onate dhạrtire oka duk reakʼ ghuṛi daraekan ona khon iń doń rukhiyạmea. Ar okoe doko noa dhạrtirenkan onko biḍạuko lạgitʼge noa duk reakʼ okte do hijukʼa.

Johan sodor 3:5

Okoeye jitạukʼa uni do nonkan ponḍ kicricʼgeye horoga. Ar iń do jion reakʼ puthi khon uniyakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.