Johan sodor 17:6 - সান্তালী বাইবেল

⁶ Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Santali Common Language New Testament

⁶ Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Johan sodor 17:6 Iomraidhean Croise

Daniel 7:21

Ona tayom iń doń ńelkeda ona dereń do Isorren hoṛko upạrte lạṛhạikate onkoe bhagaoetʼko tahẽkana,

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Johan 2:10

“Sanam hoṛge pạhilre do bhage darkha rasako calao maṛaṅa. Ar ona tayomko ńũ bhagaolen khan lahatenakʼ khon thoṛa kom bhageakʼko emakoa. Menkhan am do ńit hạbicʼ bhageakʼ darkha rasagem dohoakada.

Aposkạmi 22:20

Ar amren gohayicʼ Stephanko gojekan tahẽkanre onḍegeń teṅgo akan tahẽkana ar uni gocʼ ocokʼre iń hõ rạjigeń tahẽkana, ar okoe uniko gojekan tahẽkana onkoakʼ kicricʼkoń horhoyetʼ tahẽkana.’

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Johan sodor 13:15

Ar uni do ona muṭhạnre jiwi emokʼ reakʼ daṛe hõe emocoyena, jemon muṭhạn do kathae roṛ daṛeakʼ ar okoe ona muṭhạn bako sewawakʼ onko doko gocʼ ocokʼa.

Johan sodor 13:7

Isorren hoṛko lạṛhạikate bhagaoko reakʼ ektiạriye emocoyena ar mitʼke mitʼ bõsren, disạmren, pạrsiren ar jạtren hoṛko cetanre hõ ektiạriye emocoyena.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.