Johan sodor 17:4 - সান্তালী বাইবেল

⁴ Uni maejiu do beguni roṅakʼ kicricʼe horokʼ akatʼ tahẽkana ar hoṛmore do sona ar damanakʼ dhiri ar muti mạnikkote abhran tahẽkantaea. Uniyakʼ tire do hirkhạwakʼte perecʼ ar acʼakʼ loṭghuṭi ar besaphate perecʼ sona reakʼ bạṭi tahẽkana.

Santali Common Language New Testament

⁴ Uni maejiu do beguni roṅakʼ kicricʼe horokʼ akatʼ tahẽkana ar hoṛmore do sona ar damanakʼ dhiri ar muti mạnikte abhran tahẽkantaea. Uniakʼ tire do hirkhạwakʼte perecʼ ar acʼakʼ loṭghuṭi ar besaphate perecʼ sona reakʼ bạṭi tahẽkana.

Johan sodor 17:4 Iomraidhean Croise

1 Rapajko 14:24

Onkoakʼ disạmre do herel kusumbi hõko tahẽkana. Ar okoe jạtrenko Probhu Isor do Israelko samaṅ khone sạṅgiń giḍiletʼko onkoakʼ sanam hirkhạwanakʼ kạmiko do Jihudạren hoṛko kạmikan tahẽkana.

2 Rapajko 21:2

Probhu Isor do Israelko samaṅ khon okoe jạtrenkoe laga ńirletʼko tahẽkan Manase do onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jirimiạ 51:7

Babel do Probhu Isorakʼ tire mitʼṭecʼ sona reakʼ bạṭi leka tahẽkana; uni do goṭa dhạrtiye ńũ bul ocoleda. Jạt jạtrenko do uniyakʼ darkha rasako ńũleda, onate ńithõ onko do koṅkage menakʼkoa.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Jeheskel 20:30

Onatege Probhu Isor do ińe metadińạ, “Am do Israelkom metakoa, Probhu Isore menetʼkana, ‘ape do cetʼ aperen hapṛamko leka apnartetʼpe bhonḍokʼa ar onkoren hirkhạwan muṭhạnkope sewawakoa?

Jeheskel 24:11

Ona tayom aṅgra cetanre ạjạuṛi celaṅ condaeme; jemon ona dhipạukʼ, ar ona reakʼ pitạl do jeredokʼ, jemon ona reakʼ mạilạko onarege lekʼte ona reakʼ icʼtetʼ jeretʼ cabakʼ.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jeheskel 28:13

Am do Isorakʼ Eden bagwanrem tahẽkana, sanam lekan damanakʼ dhiri, cuni, podmorag, hirạ, gomedok, boidurjo ar surjokanto, nilkanto, pitmani, morokot ar sona do amakʼ abhrange tahẽkana, amakʼ jhan jhanaokʼkan mala ar seke sekekʼ hạ̃sli do sona reakʼge tahẽkana; noako do sirjạu hilokʼrege tearlena.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Daniel 11:38

Onko bodolte uni do aotan gaṛkoren debotakogeye manotkoa; ar okoe debotako do akoren hapṛamko bako oromakatʼko onkoge uni do sona, rupạ, damanakʼ mạnik dhiriko ar sandeskoteye manotkoa.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Dosar Biboron 29:17

Unire ape do onko talare kaṭte, dhirite, sonate ar rupạteko benao akatʼko onkoren hirkhạwan murhutʼko ar boṅgakope ńelletʼkoa.

Johan sodor 14:8

Tayomte dosaricʼ ar mitʼṭen serma goḍet do uni tayom tayomte hecʼkateye menkeda, “Ona Babel nagraha do ḍahao maraoena. Okaṭakʼ nagraha do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoletʼko ona naṅgrha do ḍahao marao akana.”

Johan sodor 18:12

Onkoakʼ onako jinis modre sona, rupạ, damanakʼ dhiri ar muti mạnik, mĩhĩ musnạ kicricʼ, beguni roṅakʼ kicricʼ, lumạṅ kicricʼ ar jeṅgetʼ arakʼ kicricʼ; aema lekan mońj so kaṭko ar hạti ḍaṭate tearakʼ aema jinisko; damanakʼ kaṭ reakʼ tearakʼ jinisko, pitạl, mẽṛhẽtʼ ar mormor dhirite tear jinisko;

Johan sodor 18:16

Onko do bhabna ar rakʼ rakʼateko mena, “Hae, hae! Mĩhĩ musnạ kicricʼ ar beguni roṅakʼ ar jeṅgetʼ arakʼ kicricʼte bande akan ar sona, damanakʼ dhiri ar mạnikte abhran akan ona maraṅ nagraha do!

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

Johan sodor 21:21

Ona gelbar duạrre gelbar goṭecʼ muti tahẽkana. Mimitʼ duạr do mimitʼ goṭecʼ mutite tear akan tahẽkana. Ar nagraha reakʼ kulhi do sapha kãc leka khạṭi sonate tear tahẽkana.

Johan sodor 9:21

Ona chaḍa khũn, jạdu, laṭghaṭ ar kombṛo, noako khon hõ mon bako ạcurleda.