Johan sodor 17:3 - সান্তালী বাইবেল

³ Ona tayom uni serma goḍet do hahaṅkar jaegateye idikedińạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor henostawae reakʼ ạḍi utạr ńutum uni janwarre ol tahẽkana. Uniyakʼ do eae goṭecʼ bohokʼ ar gel goṭecʼ dereń tahẽkantaea.

Santali Common Language New Testament

³ Ona tayom uni serma goḍet do hahaṅkar jaegateye idikedeńạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor nindạwae reakʼ ạḍi utạr ńutum uni janwarre ol tahẽkana. Uniakʼ do eae goṭecʼ bohokʼ ar gel goṭecʼ dereń tahẽkantaea.

Johan sodor 17:3 Iomraidhean Croise

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

2 Rapajko 2:16

“Ale do amren mõṛẽgel daṛean gutiko nonḍe menakʼlea; ale do senkate amren mạlik le sendra ạguiyea. Hoedaṛeakʼa Probhu Isorren Jiu do uni rakapʼ idikate jãhãn buru se jãhãn soḍokʼreye doho oṭoakadea.” Elisae doe menkeda, “Baṅ, alope calakʼa.”

Soros sereń 8:5

Acʼren dulạṛiạreye ṭenḍar akan uni hahaṅkar secʼ khon rakapʼ hijukʼicʼ doe okoekana? Apel dare latarreń ebhenketʼmea; amren eṅgam do onḍege bedon rakapʼadete ame janamketʼmea.

Jeheskel 11:24

Ona tayom Isorren Jiu do ińe tul rakapʼ kedińa ar uni emakʼ dorson talate arhõ Babelre bondi akanko ṭhene seṭerkedińa. Ar okaṭakʼ dorson iń ńelletʼ ona tayom ona do cabayena.

Jeheskel 3:12

Ona tayom Isorren Jiu do ińe kuṭuṅ rakapʼkedińa, ar iń tayom secʼre ãṭ aṛaṅte roṛoṛkan noa kathań ańjomkeda, “Coṭ utạrre Probhu Isorakʼ ṭhonok reakʼ sarhao hoyokʼtaema.”

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 7:20

Uniyakʼ bohokʼ reakʼ gel goṭecʼ dereń ar eṭakʼ oka dereńko janam rakapʼlen, ar okoe samaṅre pea dereń ńurlen, ar okoeyakʼ mẽtʼko ar gorbokʼ reakʼ mitʼṭecʼ moca tahẽkantae ar okaṭakʼ dereń do eṭakʼakʼko khon lạṭu idikʼkan tahẽkan, ona dereń babotre baḍae joṅ lạgitʼ iń khojkeda.

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Daniel 7:8

Iń do tinre ona dereńkoń kheyalkeda unre mitʼṭecʼ huḍiń dereń do onako talare janam rakapʼena; ona samaṅre lahateakʼ dereńko tala khon pea dereń do or totʼ giḍi ocoyena. Noa dereńko do manwawakʼ mẽtʼ leka tahẽkana ar mitʼṭecʼ moca hõ tahẽkana one uni do gorbokʼ salakʼe roṛetʼkan tahẽkan.

Mathae 27:28

Onko do Jisuakʼ kicricʼko totʼkeda ar jeṅgetʼ arakʼ aṅgropko horokʼadea.

Aposkạmi 8:39

Ado dakʼ khonkin rakapʼen khan Probhu Isorren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Johan sodor 12:14

Unre uni maejiu do maraṅ okocʼ mitʼṭen pajhaṛakʼ barea phạ̃kṛạ̃kʼe emocoyena jemon hahaṅkarte acʼakʼ jaegateye uḍạu calao daṛeakʼ. Ar onḍe uni do bińakʼ mẽtʼãhã samaṅ khon danaṅre pe bochor tala hạbicʼe ạsul ocokʼa.

Johan sodor 12:3

Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 12:6

ar uni maejiu do hahaṅkarteye dạṛkeda. Isor do ona hahaṅkar jaegare uni lạgitʼ mitʼṭecʼ jaegae ṭhik dohoakatʼ tahẽkana, jemon mitʼ hajar barsae turui gel din onḍeye ạsul ocokʼ.

Johan sodor 17:18

Ar okoeṭakʼ maejiuem ńellede uni doe hoyokʼ kana ona maraṅ nagraha, one okoe do dhạrtiren sanam rapajko cetanre rajosṭiye calaoetʼkan.”

Johan sodor 17:4

Uni maejiu do beguni roṅakʼ kicricʼe horokʼ akatʼ tahẽkana ar hoṛmore do sona ar damanakʼ dhiri ar muti mạnikkote abhran tahẽkantaea. Uniyakʼ tire do hirkhạwakʼte perecʼ ar acʼakʼ loṭghuṭi ar besaphate perecʼ sona reakʼ bạṭi tahẽkana.

Johan sodor 18:12

Onkoakʼ onako jinis modre sona, rupạ, damanakʼ dhiri ar muti mạnik, mĩhĩ musnạ kicricʼ, beguni roṅakʼ kicricʼ, lumạṅ kicricʼ ar jeṅgetʼ arakʼ kicricʼ; aema lekan mońj so kaṭko ar hạti ḍaṭate tearakʼ aema jinisko; damanakʼ kaṭ reakʼ tearakʼ jinisko, pitạl, mẽṛhẽtʼ ar mormor dhirite tear jinisko;

Johan sodor 18:16

Onko do bhabna ar rakʼ rakʼateko mena, “Hae, hae! Mĩhĩ musnạ kicricʼ ar beguni roṅakʼ ar jeṅgetʼ arakʼ kicricʼte bande akan ar sona, damanakʼ dhiri ar mạnikte abhran akan ona maraṅ nagraha do!

Johan sodor 21:10

Tayomte uni serma goḍet do mitʼṭecʼ maraṅ ar usul buruteye idikedińa. Unre iń do sonot Jiu reakʼ uskurreń tahẽkana. Ar Isorakʼ ṭhonokte jhalkaokʼkan ona sonot nagraha Jerusalem serma khon ar Isor ṭhen khon pheḍ hijukʼkane udukʼạdińa.

Johan sodor 4:2

Iń do unrege sonot Jiuteń perecʼente sermare mitʼṭecʼ siṅghạsoniń ńel ńamkeda. Ona siṅghạsonre mitʼ hoṛ duṛupʼ akaniń ńelkedea.