Johan sodor 16:8 - সান্তালী বাইবেল

⁸ Ponicʼ serma goḍet do siń cando cetanre acʼakʼ bạṭiye dulkeda. Onate siń cando do hoṛko seṅgelte jhạusạuko lạgitʼ ektiạriye emocoyena.

Santali Common Language New Testament

⁸ Ponicʼ serma goḍet do siń cando cetanre acʼakʼ bạṭiye dulkeda. Onate siń cando do hoṛko seṅgelte jhạusạuko lạgitʼ ektiạriye emocoyena.

Johan sodor 16:8 Iomraidhean Croise

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Mathae 13:6

menkhan siń candoe rakapʼen khan ona do tolmocʼ cabayena ar mońjte rehetʼ baṅ bạisạulente rohoṛ kạrcupʼena.

Luk 21:25

“Unre siń cando, ńindạ cando ar ipilkore ạḍi lekan cinhạko ńelokʼa. Dhạrtiren sanam jạtrenko do kosṭoko ńama ar jalapuri reakʼ hudhud saḍe ar ḍheoko iạte onko do jiwi oṭaṅokʼtakoa.

Aposkạmi 2:20

Probhu Isorakʼ ona maraṅ ar ṭhonokte perecʼ dinko hijukʼ lahare, siń cando doe ńutokʼa; ar ńindạ cando do mãyãm lekae hoyokʼa.

Johan sodor 14:18

Ona tayom pinḍ khon ar mitʼṭen serma goḍete oḍok hecʼena. Uni do seṅgel cetanre ektiạri tahẽkantaea. Ar okoe serma goḍet ṭhen laser datrom tahẽkan uni serma goḍet do ãṭ aṛaṅte hohowadeteye metadea, “Amakʼ laser datrom calaotam ar dhạrti reakʼ darkha nạ̃ṛĩ khon darkha thoka gedme, ente darkha jo do bele akana.”

Johan sodor 6:12

Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.

Johan sodor 7:16

Noko do ar baṅ reṅgecʼkoa, baṅ tetaṅkoa; siń cando reakʼ dãk hõ hoṛmore baṅ paṛao akoa, ar bebạṛicʼ lolo hõ bako ạikạua,

Johan sodor 8:12

Inạ tayom ponicʼ serma goḍet hõ acʼakʼ siṅgại oroṅkeda. Onate siń cando reakʼ pe hạṭiń reakʼ mitʼ hạṭiń, ńindạ cando reakʼ pe hạṭiń reakʼ mitʼ hạṭiń ar ipilko reakʼ pe hạṭiń reakʼ mitʼ hạṭiń doko ńutena. Ar din reakʼ pe hạṭiń reakʼ mitʼ hạṭiń ar ńindạ reakʼ pe hạṭiń reakʼ mitʼ hạṭiń do jãhãn marsalge baṅ tahẽlena.

Johan sodor 9:2

Khan uni ipil do ona athan kunḍe jhicʼkeda; ar maraṅ okocʼ culhạ khon dhũạ oḍokokʼ leka, ona kunḍ khon dhũạ oḍokokʼ ehopʼena. Ona kunḍ reakʼ dhũạte siń cando ar serma do ńutena,