Johan sodor 16:15 - সান্তালী বাইবেল

¹⁵ Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniyakʼ lajaotetʼ aloko ńeltae.”

Santali Common Language New Testament

¹⁵ Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniakʼ lajaotetʼ aloko ńeltae.”

Johan sodor 16:15 Iomraidhean Croise

Exodus 32:25

Mose do hoṛko bhiṅgṛạu akana menteye ńelketʼkoa. Uni doe bujhạukeda Arongeye bhiṅgṛạu ocoakatʼkoa ar onate bạiri ṭhen cigạri ocokʼ lek ko hoyakana.

Jesaea 47:3

Amakʼ uluṅ do oṭagokʼa ar lajao do ńel ńamokʼtama. Iń doń hala hạlia, okoeyakʼ nehõr hõ bạń ańjoma.”

Jeheskel 16:37

ona iạte amren onko sanam dulạṛiạkoń jarwakoa one okoeko tulucʼem rạskạ mitʼlen. One okoeyem dulạṛletʼko tahẽkan ar okoeyem hirkhạwako kan tahẽkan onko sanamkoń jarwakoa. Iń do beṛhae khon am upạrteń jarwakoa ar onko samaṅre amakʼ kicricʼ iń bhạnduṛtama jemon onko do amakʼ lajaoteakʼko ńel daṛeatam.

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Habakkuk 2:15

“Jạt jạtrenkoko mena, ‘Hae uni do, okoe do edrete acʼ aḍepaseren hoṛko bubulakʼteye ńũ bul ocoyetʼko jemon onkoakʼ lajaoakʼtetʼe ńel daṛeatako.’

Mathae 25:13

“Onate jagwar akae tahenpe, ente ona din se ona okte reakʼ katha do bape baḍaea.”

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Mark 14:38

Jagwar tahenpe ar koejoṅpe jemon biḍạure alope paṛaokʼ. Ontorre sana menakʼgea, menkhan hoṛmo do nijorgea.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Aposkạmi 20:31

Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

2 Korinthiko 5:3

ente noa katha do sạrikana je, ona hoṛmo bon ńamle khan laṅgaṭ do ar babon tahena.

1 Thessalonikikko 5:4

Menkhan E boehako, ape do ńutre bạnukʼpea, onate ona din do kombṛo leka hecʼ paṛao apea. Ape sanamkoge marsal ar sińren hoṛ kanape. Ńindạ se ńutren hoṛ do bon baṅkana.

1 Thessalonikikko 5:6

Onate eṭakʼko leka alo bon jạpitʼ joṅma, bickom jagwar akae bon tahente apnar bon sambṛaokʼma.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

2 Patras 3:10

Menkhan Probhu Isorakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamgeko atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.

Johan sodor 22:7

Jisui meneda, “Ńelpe, iń do ạḍi usạrageń hijukʼkana. Noa puthi reakʼ sanamakʼ katha, metakʼme Isorakʼ kathako okoeye manao uni doe bhạgangea.”

Johan sodor 3:11

Iń do ạḍi usạrageń daraekana. Amakʼ oka menakʼtam ona do sapʼuricʼ akae tahenme, okoe hõ amakʼ jitạukʼ reakʼ kuṛại do alo jemonko recʼme.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.